Dy palë zgjedhje si leksion për Reformën Zgjedhore

1 Qershor 2020, 08:12, Politikë CNA

Dy palë zgjedhjet e fundit parlamentare janë leksioni më i mirë për Reformën Zgjedhore.

Çdo justifikim i përdorur nga palët politike, gjithçka artikulojnë, është thjesht dhe vetëm një ping-pong për të gënjyer shqiptarët.
Një lëvizje që i intereson dy krerëve, Ramës së Rilindjes dhe Lulzim Bashës së Republikës së re sepse në thelb ata nuk po bëjnë një reformë zgjedhore e cila do të shembte sistemi elektoral dhe do të sillte një sistem në shërbim të qytetarëve, por po luajnë gjojan me garanci për ruajtjen e votës.

Le të shohim dy zgjedhjet e fundit, ato të vitit 2013 dhe ato të vitit 2017 si garanci për vjedhjen e votës dhe ndryshimin e rezultatit zgjedhor.
Në vitin 2013, PD ishte në pushtet, Edi Rama atëherë në koalicion me Ilir Metën braktsën KQZ-në, çdo institucion tjetër, shkuan përpara dhe fituan 83 mandate me atë që Berisha e quajti “aleanca e qelbësirave”.

Pra, shumë personazhe nga ajo kohë, të atij parlamenti ishin të ardhur nga bota e krimit, shumë prej tyre u larguan më pas me ligjin e dekriminalizimit. Por, listën e ndërtuar nga Rama shqiptarët e votuan. Të pretendojë Lulzim Basha se në 2013 ja vodhën votat kur Sali Berisha ishte në pushtet, këtë nuk ta besonte dot askush aq më keq po të thuash se ?në 2013 ma morën pushtetin me dhunë ata që ishin në opozitë apo i blenë votat ata që ishin në opozitë?. Pra, kur ke shumicën e shqiptarëve edhe pse me një listë të keqe dhe të mbushur me banditë apo me njerëz të pavlerë fitorja është e garantuar sepse konsumi është në krahun e qeverisë jo në krahun e opozitës dhe me lupë shikohet qeverisja, ndërsa opozita shihet si shpresë për shkak të një qeverisje 8-vjeçare siç ishte ajo e PD, me një mandat të paë të suksesshëm dhe një mandat të dytë më LSI-në, që thua si ishte katastrofë.

Të shkojmë tek zgjedhjet e 2017, do të shohim se patëm një marrëveshje ku Lulzim Basha mori më shumë se gjysmën e qeverisë, Ministrinë e Brendshme, të Mbrojtjes, të Financave, shumicën e insititucioneve ku kishte frikë se administrata do t?i shërbente me votë qeverisë dhe hyri në zgjedhje me shpresën se në shtator do të qeverisnin së bashku me Ramën për të zhdukur më të vegjlit. Nuk kishte as KQZ, as KZAZ as KQV që t?i jepte votat Lulzim Bashës. Mori 450 mijë vota, 230 mijë vota më pak. Në momentet e para ishte një rezultat katastrofë, më pas tentoi ta justifikonte duke nxjerrë dosjen e Dibrës apo duke nxjerrë dosjen 339. E vërteta është se Avdylajt e dosjes 339, edhe sikur të ishin në krah me Lulzim Bashën, ai prap në 2017 nuk do t?i fitonte zgjedhjet.

PD ishte e papërgatitur, e coptuar, me një kryetar të paaftë i cili kishte sakatuar çdo strukturë dhe sapo kishte përçarë partinë duke goditur themelet e saj. Kështu ka vazhduar edhe këto tre vite dhe Lulzim Basha sot e ka partinë akoma më të vogël e ka edhe më të përçarë sepse ndarja është çuar në bazë megjithëse shumica e shqiptarëve, ashtu siç përmendëm më lart, me lupë shohin qeverinë, problem është Rilindja, problem është Edi Rama por, kur shohim se përballë kanë një alternativë të pavlerë, një njeri i cili nuk mundet dot të ngrejë frytbesimin, por kërkon të sillet si një showmen duke u xhelatinosur nga flokët dhe duke nxjerrë nga goja gjithmonë broçkulla të cilat njëherë i thotë ndryshe, njëherë ndryshe.

Prandaj, dy leksionet e zgjedhjeve, fytyra e Lulzim Bashës, sjellja e tij, opozita e para 2013,opozita e 2017 dhe opozita e tanishme apo edhe opozita e 2009, në çfarëdo lloj forme që t?i shohim, kanë pasur më pak garanci sesa ka Lulzim Basha sot apo sesa Luli do marrë sot. Por, leksioni që ja japin zgjedhjet e kaluara është se opozitat kanë luftuar fort për të fituar votat pasi kanë mundur të kenë një mbështetje popullore ndërsa Basha i ndodhur përballë faktit se edhe Edi Rama dhe ai nuk kanë votat për të bërë shumicën por janë të braltisur nga shumica e qytetarëve dhe detyrohen të bëjnë piruete duke luajtur me shqiptarët me gjoja një reformë zgjedhore e cila po katandiset te identifikimi biometrik, kur në fakt problem është vetë sistemi zgjedhor i cili ka prodhur këtë kastë politike përfshi këtu Lulzim Bashën, Edi Ramën apo edhe Ilir Metën president./CNA.al