web counter
LEXO PA REKLAMA!

SHKARKO APP

App Store
Google Play

S’ka marrëveshje për “Zgjedhoren”/ Bylykbashi fajëson PS-në: Nuk hoqi dorë nga privilegjet

31 Maj 2020, 20:57, Politikë CNA

Pas 4 orësh mbledhje, anëtarët e Këshillit Politik nuk kanë rënë dakord për asnjë nga çështjet për Reformën Zgjedhore.

Përfaqësuesi i PD-së, Oerd Bylykbashi duke folur për mediat pas takimit tha se opozita nuk është e gatshme për të arritur konsensus për miratimin e reformës, ndërkohë që opozita sipas tij nuk heq dorë nga garantimi i votës se zgjedhësve.

?Opozita nuk heq dorë nga garancitë për votën e qytetarëve shqiptarëve dhe për një proces që krijon besim për të gjithë aktorët politik.

Jemi të gatshëm të gjejmë konsensus dhe presim nga PS që të jetë gati për konsensus. Të gjithë përpjekjet e qeverisë, e PS që të mbajë privilegjet të mos heqë dorë nga kontrolli i KQZ, vula në Gjykatën, tregojnë rëndësinë e propozimi ynë ka.

Ne jemi të gatshëm që të gjejmë zgjidhje me kompromis. Le t’i japim kohë PS pse nuk mund të jetë Kolegji Zgjedhor për të përmbyllur tabelën e rezultateve, se pse KQZ nuk mund të jetë ai institucion i turpshëm, jemi para një model të ri, por nuk mund të jetë ai pronë e PS.

Komisionet e PS nuk mund të jenë si të pavarur, dhe kjo lidhet bashkë edhe me garantimin 100% biometrik.

Kur të kemi kompromis mbi këto çështje, ne mund të punojmë për Reformën. Biometrika është e lidhur me administratën, por këto janë të lidhur edhe që nuk mund të jenë nën kontrollin e KQZ apo të gjykatave” tha Bylykbashi./CNA.al





Lajmet e fundit nga