web counter
LEXO PA REKLAMA!

SHKARKO APP

E fundit!

x

Konfirmohen 13 raste me koronavirus në Kosovë

31 Maj 2020, 19:22, Politikë CNA

Instituti Kombëtar i Shëndetësisë Publike në Kosovë ka njoftuar se nga 113 mostra që janë testuar, 13 raste janë konfirmuar me koronavirus.

Konkretisht rastet pozitive janë raste kontakti 10 nga komuna e Vushtrrisë, 2 nga komuna e Mitrovicës dhe 1 rast me vendbanim në Prishtinë.

Gjithashtu raportohet se janë shëruar 2 pacientë ndërsa numri i përgjithshëm i të shëruarve deri më sot është gjithsej 843 raste.

Që nga fillimi i pandemisë, në Kosovë janë testuar gjithsej 14.968 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.083 raste, me gjithsej 30 raste vdekjesh me sëmundje të tjera shoqëruese.

Në nivel global, nga data 31 dhjetor 2019 deri më 31 maj 2020 sipas Worldometers, janë raportuar gjithsej 6.207.721 raste të COVID-19 dhe 372.036 raste të vdekjes./ CNA.al





Lajmet e fundit nga