web counter
LEXO PA REKLAMA!

SHKARKO APP

App Store
Google Play

Flamur Noka akuza të forta/ “Policia falsifikon ngjarjet, i ka të përcaktuara vrasjet që raporton"

31 Maj 2020, 21:32, Politikë CNA

Ish-ministri i Brendshëm, Flamur Noka ka ngritur akuza të forta ndaj Policisë së Shtetit, teksa po fliste për kriminalitetin në vend.

Sipas tij, policia ka falsifikuar dhe sajuar ngjarjet e përcjella për publikun. Noka thotë se Policia e Shtetit po bën propagandë , pasi pretendon se ka kapur vetëm vrasje banale dhe jo të tipit mafioz apo të krimit të organizuar.

?Policia e shtetit falsifikon dhe sajon. Kapen vetëm vrasjet banale, vrasje të stili mafioz dhe krimit të organizuar nuk janë zbuluar në gjithë këto vite. Po flitet për 3 të vrarë në 24 orë dhe një të plagosur. Nuk ka kaluar shumë kohë kur kishim 4 të vrarë. Për Policinë e Shtetit të vrarët janë çështje statistike. Po ta shihni në të gjitha vitet e Rilindjes, numri i të vrarëve është i përcaktuar, diku te 50-55.

Se vriten për një 3-mujor, 55 nuk ka rëndësi, por në bilancin e Policisë së Shtetit për një vit maksimumi do të dëgjoni 55. Dhe kjo shitet si një sukses, kur realiteti është krejt tjetër. Politika mund të bëjë propagandë, ka deri diku pranueshmëri, por kur policia shndërrohet në një polici politike dhe mjeti i luftës është vetëm propaganda, kjo është një fatkeqësi shumë e madhe për popullin shqiptar. Fatkeqësisht kemi një polici politike. Ka vetëm një armë, propagandën?, theksoi ish-ministri në Rtv Ora./ CNA.al





Lajmet e fundit nga