web counter
LEXO PA REKLAMA!

SHKARKO APP

App Store
Google Play

“Do qelbin dynjanë...”/ Manjani sulmon Veliun dhe paralajmëron fakte tronditëse

30 Maj 2020, 14:13, Politikë CNA

Kreu i Policisë së Shtetit, Ardi Veliu, sulmoi të premten në një seancë parlamentare online nënën e 15-vjeçarit të dhunuar nga oficerë policie dy javë më parë, ndërsa publikoi dhe një video.

Në në të shfaqej me pistoletë në dorë, nëna e djalit të dhunuar nga policia, dhe sipas Veliut, kjo tregon se fëmija i dhunuar vjen nga një familje me moral të keq dhe e përdori këtë argument për të justifikuar dhunën.

Por vetë nëna e fëmijës së dhunuar, Zaida Çobo me profesion aktore, deklaroi pas aludimeve të kryepolicit se videoja është e vërtetë dhe se ajo është një dubël e realizuar gjatë xhirimeve të një filmi, në të cilën, një pistoletë lodër është përdorur nga Çobo.

Lidhur me këtë ka reaguar dhe ish ministri i Drejtësisë, Ylli Manjani, i cili shkruan se Adi Veliu u zu në flagrancë, duke përgatitur dëshmitar të rremë për çorientuar drejtësinë.

?Po pse bëheni tuhaf o njerëz?

Adi Veliu u zu në flagrancë, po me video, duke përgatitur dëshmitar të rremë për çorientuar drejtësinë. Ishte rasti i vëllait të ish Ministrit të Brendshëm. Nuk mund të harrohet ajo ngjarje.

Bëni një kërkim në google ta freskoni memorien.

Qartësisht drejtori ishte i dyshuar kryesor në kryerjen e veprimeve që pengojnë dhënien e drejtësisë.

Krimi kundër drejtësisë dhe shpërdorimi i detyrës ishin evidente. Por drejtësia u mor me denoncuesin e videos, jo me shkatërruesit e hetimit.

Tani çfarë prisni të veprojë “drejtësia e Bosit” mbi drejtorin që fyu, shpifi dhe dhunoi jetën private të një gruaje?! Apo që justifikoi dhunën brutale ndaj të birit të saj?!

Apo prisni të bëjë çudira morali?!

Seriozisht e keni?!

Jo, jo. Ata do jenë aty deri sa ti lëmë ne të rrinë… Ashtu si vaji në lakra do pluskojnë. Do qelbin dynjanë si lakër e zier dy herë, por nuk ikin me dëshirë.

Por jam i bindur që nuk do jenë gjithë jetën aty…?/CNA.al

 





Lajmet e fundit nga