web counter
LEXO PA REKLAMA!

SHKARKO APP

App Store
Google Play

E fundit!

x

Basha mbledh njerëzit në mes të pandemisë/ Revoltohet Manastirliu: Jam e tmerruar

30 Maj 2020, 10:07, Politikë CNA

Ministrja e Shëndetësisë, Ogerta Manastirliu teksa ka shpërndarë foton e publikuar nga Basha gjatë vizitës së tij në Durrës, thotë se është tmerruar nga kjo shfaqje ekstreme papërgjegjshmërie.

Manastirliu thekson se Basha mund t’i thotë të tëra ato që ka për të thënë, pa vënë në rrezik shëndetin e njerëzve në këtë formë ekstreme papërgjegjshmërie.
Ndërkohë, ajo u bën thirrje qytetarëve të mos bien pre e kësaj papërgjegjshmërie të pajustifikueshme.

?Si ministre e Shëndetësisë dhe Mbrojtjes Sociale jam e tmerruar nga kjo shfaqje ekstreme papërgjegjshmërie, në kushtet e hapjes, kur më shumë se kurrë njerëzit duhet të respektojnë rregullat e mbrojtjes nga COVID-19, sepse ekspozimi është i madh!
Si mund të jepet kjo shfaqje dhe cili lider në botën e sotme jep këtë shembull thjesht për interesin e vet politik?!
Zoti Basha mund t’i thotë të tëra ato që ka për të thënë, pa vënë në rrezik shëndetin e njerëzve në këtë formë ekstreme papërgjegjshmërie. Numrat e rritur janë efekt i parashikuar i hapjes. Por kjo ngjeshje njerëzish për qëllimet e një njeriu mund t’i rrisë numrat përtej parashikimeve më negative dhe kostoja mund të bëhet marramendëse!
U bëj thirrje qytetarëve të mos bien pre e kësaj papërgjegjshmërie të pajustifikueshme dhe zotit Basha të mos i faturojë njerëzve e vendit, koston e papërballueshme të luftës së tij të dëshpëruar për pushtet!?, shkruan Manastirliu./CNA.al





Lajmet e fundit nga