web counter
LEXO PA REKLAMA!

SHKARKO APP

App Store
Google Play

E fundit!

x

Qeveria merr vendimin/ Si do të zhvillohen seancat gjyqësore në kushtet e pandemisë

27 Maj 2020, 18:46, Politikë CNA

Qeveria ka miratuar vendimin për hapjen e proceseve gjyqësore.

Kështu, me propozimin e ministrit të Drejtësisë dhe të ministrit të Shëndetësisë, Këshilli i Ministrave ka vendosur që të lejojë zhvillimin e sancave gjyqësore në çështjet administrative, civile dhe penale, duke zbatuar masat organizative specifike për zhvillimin e proceseve gjyqësore, të nevojshme.

Gjithashtu, në seancat gjyqësore do të kufizohet hyrja e publikut në kuadër të masave për parandalimin e përhapjes së covid-19, ndërsa të gjitha seancat gjyqësore publike do të zhvillohen me dyer të mbyllura.

Ndërkohë, Këshilli i Ministrave ka miratuar dhe pjesëmarrjen në distancë të palëve të dyta ose të treta në seancë, nëpërmjet lidhjes kompjuterike.

VENDIMI I PLOTE:

DISA NDRYSHIME NË AKTIN NORMATIV NR.9, DATË 25.3.2020, TË KËSHILLIT TË MINISTRAVE, ?PËR MARRJEN E MASAVE TË VEÇANTA NË FUSHËN E VEPRIMTARISË GJYQËSORE, GJATË KOHËZGJATJES SË GJENDJES SË EPIDEMISË SË SHKAKTUAR NGA COVID-19?, MIRATUAR ME LIGJIN NR.30/2020

?1. Gjatë kohëzgjatjes së gjendjes së epidemisë së shkaktuar nga COVID-19, gjykatat zhvillojnë seancat gjyqësore në çështjet administrative, civile dhe penale, duke zbatuar masat organizative specifike për zhvillimin e proceseve gjyqësore, të nevojshme për të shmangur grumbullimet në ambientet e gjykatave dhe brenda sallave gjyqësore, sipas rregullave që miratohen në përputhje me parashikimet e pikës 4, të nenit 3, të këtij akti normativ.?.

Shkronja ?a? ndryshohet, si më poshtë vijon:

?a) Kufizimin e hyrjes së publikut në ambientet e gjykatës, duke garantuar zbatimin e rregullave të vendosura për këtë qëllim;?.

b) Shkronja ?ç? ndryshohet, si më poshtë vijon:

?ç) zhvillimin me dyer të mbyllura të të gjitha seancave gjyqësore publike

Pjesëmarrja në distancë në seanca gjyqësore

Pjesëmarrja e palëve, ndërhyrësit kryesor, ndërhyrësit dytësor, personit të tretë ose përfaqësuesve të tyre, prokurorit, të pandehurit, të paraburgosurit, avokatit mbrojtës, viktimës, viktimës akuzuese, paditësit, të paditurit civil, avokatit të shtetit, dëshmitarëve, ekspertëve, përkthyesve si dhe çdo pjesëmarrësi tjetër të përfshirë ose të interesuar, në të gjitha seancat përgatitore/gjyqësore sigurohet atje ku është e mundur dhe vetëm pasi palët kanë dhënë pëlqimin brenda një afati të caktuar nga gjykata, nëpërmjet ndërlidhjes audiovizive në distancë, duke përdorur programe kompjuterike të përshtatshme për këtë qëllim.

Mënyra e ndërlidhjes në distancë duhet të sigurojë, në çdo rast, shikueshmërinë e ndërsjellë të personave të pranishëm në të dyja vendet e ndërlidhura dhe mundësinë e dëgjimit nga të gjitha palët. Nëse parashikohet pjesëmarrja e disa palëve ose pjesëmarrësve të tjerë në proces, secili prej tyre duhet të vendoset në kushte që të mund të shikojë dhe të dëgjojë të tjerët.





Lajmet e fundit nga