web counter
LEXO PA REKLAMA!

SHKARKO APP

App Store
Google Play

E fundit!

x

Basha ngre alarmin për fermerët/ “Janë në kolaps, po luftojnë me mbijetesën”

27 Maj 2020, 15:34, Politikë CNA

Kryetari i opozitës Lulzim Basha ka zhvilluar një takim me fermerët në Lekaj të Rrogozhinës, me të cilët ka diskutuar për ndikimin që ka sjellë pandemia e koronavirusit.

Në një postim në rrjetet sociale, Basha deklaron se  bujqësia shqiptare ka shtatë vjet në krizë të thellë.

Kreu i Republikës së Re pretendon se mungesa e subvensioneve, rritja e çmimit të naftës dhe favorizimi i produkteve të importit, e ka çuar në kolaps këtë sektor.

?Mungesa e subvensioneve, rritja e çmimit të naftës, favorizimi i produkteve të importit e ka çuar në kolaps këtë sektor. Fermerët luftojnë me mbijetesën. Kësaj situate të vështirë i është shtuar dhe mungesa e mbështetjes në situatën e pandemisë duke e bërë gjendjen kritike. Në Lekaj, takova fermerë që mundohen me mish e me shpirt, punojnë në kushte tejet të vështira, e me borxhe për të siguruar të paktën ushqimin për familjet e tyre. Situata e vështirë në Lekaj e kudo nuk fshihet pas ngjyrave të propagandës.

Edi Rama nuk mund ta fshehë përgjegjësinë dhe dështimin e tij në çdo sektor që sot ndodhet në ditën më të keqe. Dështimet, zhvatjet dhe mashtrimet e Edi Ramës po e çojnë ekonominë në krizë të thellë dhe vendin drejt kolapsit?, shkruan Basha./ CNA.al





Lajmet e fundit nga