web counter
LEXO PA REKLAMA!

SHKARKO APP

App Store
Google Play

E fundit!

x

Basha nga Rrogozhina: Rama me 5 oligarkët që mban nga pas, janë e keqja e Shqipërisë

27 Maj 2020, 10:22, Politikë CNA

Kryetari i Partisë Demokratike, Lulzim Basha, ishte sot në Rrogozhinë ku vizitoi tregun agro-ushqimor të këtij qyteti.

Basha tha se edhe në Rrogozinë, gjendja është njësoj si për bizneset që ka vizituar në Tiranë dhe Durrës, ndërsa konsumi ka rënë nën zero.

?Gjendja e fermerëve dhe gjithë atyre që shesin prodhimet e tyre është po aq e keqe se gjendja e bizneseve që kemi vizituar në Tiranë dhe Durrës.

Konsumi ka rënë në zero. Rrinë në orë të tëra. E dëgjuat, 10, 15, 20 mijë lekë xhiro në javë, jo në ditë. Askush nuk ka parë asnjë ndihmë me sy, as financiare, as ushqimore?, tha Basha.

Për këtë situatë, Basha bëri fajtor kryeministrin Rama, për të cilin thotë se është e keqja e vendit.

?Edi Rama nuk mund ta fshehë përgjegjësinë e tij, dështimin e tij kriminal sepse ato miliona që ia ka hedhur 4-5 oligarkëve do të mjaftonin që fermeri shqiptar, njësoj si fermeri kosovar, si ai i Maqedonisë së Veriut të paktën të mbante kokën mbi ujë në këto momente të vështira.

Por jo, e keqja po vazhdon të thellohet. Vetëm me 30 mln euro e Teatrit mund të ndihmoheshin me qindra familje. Ky është e keqja e Shqipërisë, e ekonomisë, e familjeve shqiptare. Kjo është një Shqipëri e robëruar nga Edi Rama me 5 oligarkë?, tha Basha./CNA.al





Lajmet e fundit nga