web counter
LEXO PA REKLAMA!

SHKARKO APP

App Store
Google Play

E fundit!

x

Teatri Kombëtar/ Dade: Nuk besoja që Veliaj do merrte kusuret e Ramës, është mbështetës i flaktë

26 Maj 2020, 20:45, Politikë CNA

Ish ministrja e Integrimit, Arta Dade, e ka cilësuar të paprecedentë shembjen e Teatrit Kombëtar, që u bë me urdhër të kryeministrit Edi Rama dhe kryebashkiakut të Tiranës Erion Veliaj.

Dade kujtoi reagimet kundër shembjes së kësaj godine nga ndërkombëtarët, ndërsa theksoi se nuk besonte që Veliaj ta bënte këtë gjë. Sipas saj, Veliaj është një mbështetës i flaktë i kreut të qeverisë.

?Praktikisht na rezulton që Veliaj nuk është alternativë, por një mbështetës i flaktë i Edi Ramës. Dhe unë besoja që duke qenë i ri në karrierën politike, nuk do merrte të gjitha kusuret politike të Edi Ramës. Vetë Teatri ishte në autoritetin e Ministrisë së Kulturës. Nuk ka sesi një Teatër Kombëtar t?i përkasë Bashkisë së qytetit.

Bashkia mund të ketë disa metra por prishja e Teatrit është një akt i paprecedent. Jam ndjerë shumë keq atë natë. Dhe në orën 9.00 kur pashë dhunën e policisë të cilën kryeministri e mohonte edhe ndaj grave, më kujtohet vetja kur policia bënte masakër me liderët e opozitës. Pra më është kujtuar kur janë dhunuar gratë deputete, por edhe gazetarët, por edhe ajo fotoja me atë djalin me fytyrë në tokë, por një kryeministër që të paktën të thoshte nuk e kam parë, jo më ta mohonte?, deklaroi socialistja në “A Show”./ CNA.al





Lajmet e fundit nga