web counter
LEXO PA REKLAMA!

SHKARKO APP

App Store
Google Play

E fundit!

x

A do të rriten çmimet në turizëm?/ Klosi: Tregu do rregullohet nga kërkesë oferta

26 Maj 2020, 20:24, Politikë CNA

Nga 1 qershori nis hapja graduale e plazheve në Shqipëri.

Ministri i Turizmit dhe Mjedisit Blendi Klosi thotë se industria turistike është gati të presë turistët e parë për këtë vit, nën protokollon e sigurisë që dikton pandemia Covid-19.

?Në datën 1 qershor ne do të hapim plazhet për sa i përket strukturave hoteliere, në sensin e ofrimit të shërbimit të çadrave dhe shezlloneve. Kjo nuk do të jetë vetëm për turistët që vijnë nga vendet e huaja por edhe për qytetarët shqiptarë. Për të parë një sistem të menaxhuar tashmë të hapësirave publike dhe plazheve publike, duke parë dhe si do shkojë korona edhe me zbatimin e rregullave do të jemi edhe për plazhet që kanë hotelet e vijës së dytë, pra hapjen e më shumë plazheve publike?, u shpreh ai në Përballë.

Ministri i turizmit thotë se pandemia nuk do të shtrenjtojë ofertën turistike, përkundrazi ai argumentons se për shkak të kësaj situate të jashtëzakonshme do të ketë ccmime më të lira.

?Kjo nuk ka shanse të ndodhi, pasi është treg që rregullohet nga kërkesë oferta dhe për sa kohë që këtë vit nuk do të ketë shumë turistë, sidomos ato të huaj. Mungesa e klientëve do të ulë padyshim çmimet se nuk bëhet fjalë për plazhe eskluzive për të cilat o hynë aty o ska. Janë plazhe aq të mëdhaja, ne kemi një favor, një nga favorët e mëdhaja të turizmit shqiptar janë hapësirat e mëdhaja të plazheve të rërës. Çdo vit zgjerohet kjo hapësirë, pasi çdo vit vijnë më shumë turistë?, tha Klosi./ CNA.al





Lajmet e fundit nga