web counter
LEXO PA REKLAMA!

SHKARKO APP

App Store
Google Play

E fundit!

x

“Duhet thyer kjo makineri perverse”/ Dashamir Shehi “shpërthen” ndaj Ramës

26 Maj 2020, 19:36, Politikë CNA

Kreu i LZHK-së, Dashamir Shehi, në  një intervistë për Ora neës, ku ka folur për Reformën Zgjedhore, tha se kjo e fundit duhet të mbyllet brenda 31 majit për të shkuar sa më parë në zgjedhje.

Sipas tij, kyçe në diskutimet mes palëve është pranimi i qeverisë tranzitore, ndërsa thekson se duhet të largohet Rama me gjithë grupin e tij në pushtet.

?Ligjet kanë qenë gjithmonë të mira, por kur ka qenë atmosfera e mirë, politikisht e qëndrueshme, vjedhjet kanë qenë më pak. Vjedhjen nuk ka ligj që e shpëton. Disa prej këtyre ndryshimeve duhen bërë, janë të nevojshme por shumë garanci nuk është se kemi. Kemi kërkuar një qeveri tranzitore si elementi kryesor që mund të garantojë diçka. Ideja kryesore e opozitës kjo është, pjesa tjetër janë kompensime. Do ta shikojmë deri ku kanë shkuar negociatat dhe dakortësia. Por kjo është një çështje që duhet mbyllur, të shkojmë sa më parë në zgjedhje.

Të largojmë duart e pista nga interesat ekonomike. Duhet thyer kjo makineri perverse që të fillojmë të besojmë në zgjedhje të lira. Të bëjmë çfarë është e mundur ligjërisht për të pamundësuar vjedhjen e zgjedhjeve.

Opozita është tërhequr shumë. Nuk kam shpresë të madhe që ky ligj që po bëhet me shpejtësi siç është bërë gjithmonë do të zgjidhë problematikën zgjedhore por do të ndihmojë të bëhen zgjedhje minimalistë, të largohet zoti Rama me gjithë grupin e vet në pushtet. Mbrapa Shqipëria ka nevojë për një rrugë të gjatë për të ringritur institucionet, përfshirë dhe këto zgjedhore”, tha ai./CNA.al





Lajmet e fundit nga