E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Mëngjesin e 17 majit u shua shpresa...”/ Meta: Jam i përkushtuar për Reformën në Drejtësi

27 Maj 2020, 15:51, Politikë CNA

Presidenti Ilir Meta ka zbuluar detaje nga platforma e tij me 14 pika për realizimin e Reformës në Drejtësi dhe daljen e vendit nga kriza aktuale.

Kreu i Shtetit ka treguar se projekt-platforma e tij ka vetëm tre referenca bazë, që janë 15 kushtet e Bashkimit Europian, zbatimi i Kushtetutës dhe ligjeve në fuqi dhe orientimi sipas rekomandimeve që jep projekt-opinioni i Komisionit të Venecias i datës 6 mars.

Sipas tij, as BE, as Kushtetuta dhe as Komisioni i Venecias nuk e cënojnë reformën në drejtësi, përkundrazi nxisin, inkurajojnë dhe kërkojnë zbatimin më rigoroz të saj.

?Ashtu siç rekomandojnë dhe BE dhe Komisioni i Venecias për të disatën herë, ashtu siç e përmban fryma e Kushtetutës, dhe ashtu siç e kam përsëritur pa u lodhur dhe unë, zbatimi kushtetues i reformës në drejtësi duhet të ruajë frymën e konsensusit për të shmangur kapjen nga forca politike në pushtet. Të gjithë e dimë se aktualisht i vetmi dialog gjithëpërfshirës po zhvillohet në kuadër të Këshillit Politik për reformën zgjedhore, të ngritur me mbështetjen edhe të BE.

Një nga propozimet e projekt-platformës ishte që çdo nismë apo kërkesë për ndryshime ligjore që mund të konsiderohen të nevojshme nga palët, sikundër kanë propozuar disa eksponentë të mazhorancës, të diskutohej në këtë model formati gjithëpërfshirës, përpara se të miratohej në Parlamentin një-partiak. Pra, në thelb do të mund të sigurohej moscënimi i Reformës në Drejtësi, ndryshe nga sa sugjeron pyetja juaj?, shpreh ai në një intervistë për ?Albania Daily News?.

Teksa u pyet për angazhimin e tij, Meta kujtoi shembjen e Teatrit Kombëtar dhe deklaroi se përpjekjet dhe vullneti i tij morën përgjigje mëngjesin e 17 majit.

?Mendoj se përpjekjet dhe vullneti im për të bashkuar palët në një proces të përgjegjshëm dhe efektiv gjithëpërfshirës mori një përgjigje mjaft brutale mëngjesin e 17 majit. Atë mëngjes u shokua jo vetëm populli shqiptar por edhe e gjithë bota demokratike, u shemb në mënyrë të paligjshme jo vetëm Teatri por edhe çdo shpresë që kjo qeveri mund të respektojë parimet e shtetit të së drejtës.

Për më tepër, që u refuzuan jo vetëm thirrjet e mia për të pritur gjykimin e Gjykatës Kushtetuese, por edhe ato të Komisionit Europian dhe të shumë partnerëve të tjerë të përgjegjshëm. Megjithatë, unë i nxis palët të shohin mundësinë e rivendosjes së një besimi apo bashkëpunimi në këtë drejtim. Megjithëse duket qartë që ethet e fushatës elektorale kanë nisur dhe integrimi europian duket se ka humbur edhe si retorikë në prioritetin e tyre?, theksoi presidenti.

Më tej, Meta tha se do të jetë i përkushtuar dhe i vendosur për të çuar përpara Reformën në Drejtësi.

?Jam i vendosur dhe i përkushtuar si më 22 korrik 2016, kur si Kryetar i Parlamentit arrita konsensusin e vetëm dhe historik të miratuar me 140 vota. Vetëm kjo arritje i mundësoi Shqipërisë marrjen e rekomandimit për çeljen e negociatave me BE, pa kushte, në tetor të vitit 2016. Vetëm zbatimi i saj në këtë frymë do garantojë çeljen e shpejtë të negociatave të anëtarësimit. Për Reformën në Drejtësi do të bëj gjithmonë atë që predikoj, dhe do të predikoj vetëm atë që bëj: Respektimin e Kushtetutës?, nënvizoi Kreu i Shtetit./ CNA.al