web counter
LEXO PA REKLAMA!

SHKARKO APP

App Store
Google Play

E fundit!

x

“Komandanti që i ndryshoi fytyrën Gardës”/ Çfarë deklaronte Klodiana Lala dhe Artan Hoxha për Gramoz Sakon

27 Maj 2020, 17:58, Politikë CNA

Komisioni i Jashtëm i Vlerësimit konfirmoi dje në detyrë komandantin e Gardës, Gramoz Sako, pasi rezultoi i pastër në tri shtyllat e procesit të vettingut, pasurinë, pastërtinë e figurës dhe aftësitë profesionale.

Sako ka një karrierë të gjatë në Gardën e Republikës së Shqipërisë, madje në shumë raste falë edhe profesionalizmit të tij, ka bërë që shumë ngjarje të mos përfundonin në tragjedi.

Në vitin 1997 Sako ishte oficeri që arriti të shpëtoi pa u grabitur jo vetëm repartin e Garës së Republikës në Vlorë, gjatë atyre viteve të trazirave, por edhe jetën e ushtarëve të garës të cilin ishin marrë peng nga njerëz të armatosur.

Një vit më vonë, mbrëmjen e 14 shtatorit 1998, dy ditë pasi ishte vrarë Azem Hajdari, dhe vetëm disa orë nga sulmi i armatosur ndaj institucioneve shtetërore, automjeti i drejtuar nga Sako, në atë kohë shefi i shoqërimit i ish-ministrit të Brendshëm, të ndjerit Perikli Teta, u sulmua me breshëri kallashnikovi.

Plot 27 predha përshkuan mjetin eskortë të ish-ministrit ndërsa ai kthehej pas një interviste të sapo dhëne në TVSH. Për fat të mirë, grupi i shoqërimit i drejtuar nga Sako reagoi shpejt, u kundërpërgjigj në kohë dhe mbijetoi nga kjo ngjarje pa pasoja.

Nuk mund të kalohet pa u theksuar edhe menaxhimi i shkëlqyer i shumë protestave të opozitës, ku edhe pse disa herë u sulmuan institucionet nga protestuesit, nuk u plagos asnjëri prej tyre.

Për këto kontribute të dhëna si oficer i Gardës, në vitin 2003, Sako u dekorua nga Presidenti i Republikës.

Pës Sakon kanë shprehur vlerësimin edhe shumë gazetarë të kronikës si Klodiana Lala apo Artan Hoxha.

Gazetarja Lala në një status të saj në rrjetet sociale, do të shprehej se shumë e njohin si profesionist komandantin e Gardës dhe se shumë duan ta largojnë nga posti ku ai ka shërbyer për vite me radhë.

?Nuk e kam njohur Gramoz Sakon nga afër. Shumë më kanë folur se është profesionist. Fakti që e sulmojnë nga cdo anë më bën të dyshoj se ka një dorë që do me cdo kusht ta largojë nga drejtimi i Gardës. Përplasje bandash edhe në Gardë????  Do besoja vërtetë që ka probleme me pasurinë nëse do bëhej një hetim i pavarur nga i ashtuquajturi komision Vettingu, që zyrtarët oligarkë të policisë i nxjerr të varfër e policët me uniforma të dala boje milionere.  Vettingu VDIQ, rroftë Vettingu!?.

Ndërkaq, gazetari Artan Hoxha, procesin e Vettingut ndaj komandantit të Gardës, do ta cilësonte si një sulm ndaj tij.

Nje dore ?profesioniste? u kujdes sot paradite te shperndante ne media te ?interesuara? mbi transparencen, nje lajm qe kishte vetem pyetjet dhe pikpyetjet e Trupes se Vleresimit te procesit te Vetting-ut ndaj pasurise se komandantit te Gardes se Republikes Gramoz Sako. Paksa e cuditeshme kjo ?kersheri? e papritur ndaj kreut te Gardes, i cili me shume sesa te organizoje operacione kunder krimit, kujdeset per te garantuar sigurine e institucioneve kushtetuese dhe personaliteteve te larta te vendit.

Se cfare ka bere Sako gjate ketyre viteve ne institucionin qe drejton mjafton te kujtojme qe Garda e Republikes nuk etiketohet me si ?Garda Republikane? qe vret protestues ne bulevard. Ne fillimin e mandatit qeveria Rama e sapo ardhur ne pushtet, kishte ne plan ta shkrinte fare strukturen e Gardes se Republikes. Por u desh zbulimi prej efektivave te gardes i nje mine te telekomanduar vendosur nga nje vrases profesionist me pagese, poshte nje mjeti qe po hynte ne oborrin e kryeministrise, qe ?Udheheqja? te nderronte mendje.?/CNA.al

 





Lajmet e fundit nga