web counter
LEXO PA REKLAMA!

SHKARKO APP

App Store
Google Play

E fundit!

x

Aleanca për Mbrojtjen e Teatrit nuk i zë besë drejtësisë/ Nis vetë “hetimet” për shembjen e godinës

24 Maj 2020, 14:02, Politikë CNA

Aleanca për Mbrojtjen e Teatrit Kombëtar nuk i ka zënë besë institucioneve të drejtësisë dhe paralajmëron se do të fillojë vetë hetimet për shembjen e godinës.

Aleanca bën me dije se nga sot do të nisin të zbardhin ngjarjen, duke rishikuar dhe rishqyrtuar videot e mëngjesit të 17 majit dhe duke zhvilluar intervista me dëshmitarët.

Sipas tyre, Teatri Kombëtar si simbol është bërthama e qëndresës më të rëndësishme kulturore që ne duhet të bëjmë për të mos lejuar imponimin e një të ardhmeje që pretendojnë se na parasheh si skllevër.

?Kronologjia e një nate krimi mbi qytetin e qytetarët meriton të shkruhet e plotë por më së pari ajo duhet të rikonstrukohet e tëra. Si artistë, aktivistë, qytetarë kjo detyrë na takon ta çojmë deri në fund. Krimi duhet të zbardhet në gjithë detajet e tij dhe ai do të zbardhet. Ne sot e nisim këtë zbardhje me rishikimin dhe rishqyrtimin e videove që janë realizuar në sheshin e Teatrit, në Teatër dhe më vonë në bulevard dhe zona të qendrës atë natë-ditë të zezë.

Do të zhvillojmë intervista me gjithë dëshmitarët e asaj nate, dëshmi që do t’i fiksojmë me video dhe do t’i zbardhim në të shkruar. Misioni ynë si qëndrestarë në mbrojtje të Teatrit Kombëtar, trashëgimisë kulturore, historisë sonë si qytetarë të Tiranës në 100-vjetorin e shpalljes së saj kryeqytet dhe si shqiparë të sunduar nga një klikë pushtuese në funksion të mafies, lirisë dhe jetës në liri vetëm se ka filluar. Në këtë gjëmë që na zuri, zbuluam se Teatri Kombëtar si simbol është bërthama e qëndresës më të rëndësishme kulturore që ne duhet të bëjmë për të mos lejuar imponimin e një të ardhmeje që na parasheh si skllevër?, thuhet në deklaratën e Aleancës për Mbrojtjen e Teatrit./ CNA.al





Lajmet e fundit nga