web counter
LEXO PA REKLAMA!

SHKARKO APP

App Store
Google Play

“Kanë politizuar virusin”/ Muka: Është populizëm të lumturohesh se besimtarët thyen rregullin e qeverisë

24 Maj 2020, 12:35, Politikë CNA

Ish-zëvendës ministri i Arsimit Taulant Muka, ka reaguar pas pamjeve të publikuara në media, ku shihej se besimtarët myslimanë kishin thyer rregullin e qeverisë dhe ishin falur në sheshe.

Muka e cilëson populizëm lumturimin për thyerjen e rregullave të qeverisë, ndërsa vë në dukje faktin se disa besimtarë nuk respektuan as rregullat anti-Covid.

Ish-zv.ministri thotë se çdo abuzim me masat mund të sjellë pasoja dhe fajëson  politikanët se kanë politizuar edhe virusin.

?Është populizëm të jesh i lumtur sot se qindra besimtarë që janë grumbulluar në sheshe dhe xhamira kanë thyer rregullin e qeverisë dhe një pjesë e tyre (sikurse shihet nga fotot), nuk kanë respektuar rregullat anti-Covid. Ndërkohë që besimtarët duhet të kryenin ritet e tyre, duhet të kishin respektuar të gjitha rregullat anti-Covid: është përkujdesje ndaj vetes, familjarëve dhe shoqërisë. Një falenderim për të gjithë ata besimtarë që i respektuan këto rregulla!

Covidi nuk është as blu, as rozë dhe as mavi. Covidi nuk është as mysliman, as katolik apo ateist. Në situatën aktuale të gjithë jemi privuar nga shumë aktivitete dhe kemi bërë sakrifica që nga mbyllja e shkollave, spitaleve e deri të mos takimi i të afërmve tanë. Këto sakrifica bëhen që të kemi një jetë sa më afër normales dhe njëkohësisht të shpëtojmë sa më shumë jetë. Çdo abuzim, dhe për më tepër kur mund të evitohet, mund të vijë me pasoja! Sigurisht, faji nuk duhet gjetur as te besimtarët dhe as te qytetarët, por te politika jonë që edhe virusin e politizon në esktrem, duke ulur besueshmërinë e qytetarëve te rëndësia e masave!?, shkruan Muka në rrjetet sociale./ CNA.al





Lajmet e fundit nga