web counter
LEXO PA REKLAMA!

SHKARKO APP

App Store
Google Play

Andi Përmeti letër SPAK/ “Heto çdo politikan që prej 30 vitesh po shkatërron këtë vend”

23 Maj 2020, 14:22, Politikë CNA

Në 28-vjetorin e vrasjes së gjykatësit italian Giovanni Falcone nga mafia, deputeti i Bindjes Demokratike Andi Përmeti, i ka dërguar një letër të hapur SPAK-ut.

Përmeti ka përmendur shprehjen e Falcones “Ndiq lekët dhe do të gjesh mafian” dhe thotë se kjo është shumë e thjeshtë po pate guxim dhe po deshe drejtësi. Ai i kërkon SPAK-ut të fillojë hetimin kryesisht për këdo politikan që ka 30 vite që shkatërron këtë vend.

Sipas tij, hetimi duhet filluar nga rroga dhe të ardhurat e deklaruara që kanë politikani, gruaja ose burri, fëmijët, nusja/dhëndri i politikanit, familjarët e politikanit deri te kushurinjtë e parë dhe familjarët e gruas/burrit të politikanit, e deri te kushurinjtë e parë.

“Heto a i justifikojnë të gjithë këta persona me rrogat dhe të ardhurat ndër vite:
1. Shtëpitë.
2. Vilat.
3. Tokat.
4. Makinat luksoze.
5. Llogaritë bankare.
6. Aksionet nëpër kompani dhe bizneset e ndryshme.
7. Pagesat me qindra mijëra euro për shkollimim e fëmijëve nëpër botë.
8. Pushimet përrallore të tyre dhe te fëmijëve të tyre.
9. Shpenzimet mujore për shofere/shoqërues/zyra.
10. Kreditë që kanë marrë dhe mënyrën si i kanë larë.
11. Investimet e vogla në bashkëpunim me bizneset që më pas i janë shumfishuar nga fitimet?, shkruan ai në rrjetet sociale, ndërsa thekson se shqiptarët presin shumë nga SPAK.

?Kini guxim! Sado ti kenë fshehur, sado t?i kenë pastruar lekët e fituara, kanë vjedhur, rrëmbyer dhe përlarë kaq shumë lekë të taksapaguesve shqiptarë ndër vite, sa diku do kenë lënë gjurmë, diku do ti kenë shpëtuar pa i fshehur. Mos u gënjeni nga deklarimi i pasurisë. Hetoni vet në e doni këtë vend, në doni drejtësinë por mbi të gjitha nëse nuk jeni dhe ju njësoj si ata. Shqiptarët presin shumë nga ju?, nënvizon deputeti./ CNA.al





Lajmet e fundit nga