web counter
LEXO PA REKLAMA!

SHKARKO APP

App Store
Google Play

E fundit!

x

Ktheu në Kuvend ligjin për shtesën e kontratës koncesionare në Porto Romano/ Meta sqaron arsyet

23 Maj 2020, 08:28, Politikë CNA

Presidenti Ilir Meta ka sqaruar arsyet e kthimit në Kuvend të ligjit për shtesen e kontratës koncesionare për një port MBM në Porto- Romano të Durrësit.

Në sqarimet e tij, kreu i shtetit ndër të tjera thekson se kontrata në fjalë ka anashkaluar procedurat konkurimit të parashikuara në ligj dhe nuk sjel përfitime për shtetin.

?Procedurat e ndjekura nga autoriteti kontraktor Ministria e Infrastrukturës dhe Energjisë kanë anashkaluar procedurat e konkurrimit të parashikuara në ligjin nr. 125/2013 ?Për koncesionet dhe partneritetin publik privat?, të ndryshuar, ku përmes negocimit të drejtpërdrejtë janë cenuar njëkohësisht dhe parimet kushtetuese të barazisë përpara ligjit dhe lirisë së veprimtarisë ekonomike;

Marrëveshja shtesë Koncesionare ka krijuar një marrëdhënie të re kontraktuale të negociuar dhe nënshkruar, në shkelje edhe të parimeve dhe parashikimeve të parashikuara në Kodin Detar të Republikës së Shqipërisë dhe ligjin nr. 125/2013 ??Për koncesionet dhe partneritetin publik privat??, të ndryshuar?;

Përmes shkeljeve të mësipërme është cenuar hierarkia e akteve normative në Republikën e Shqipërisë, sanksionuar në nenin 116 të Kushtetutës;

Praktikisht nën procedurën e një marrëveshje shtesë, është dhënë një e drejtë koncesionare e re, jashtë objektit kryesor të koncesionit që gëzon sot kompania koncesionare, e cila kërkonte detyrimisht që Autoriteti Kontraktor të ndiqte të gjitha procedurat e ligjit nr. 125/2013, për konkurrim të hapur dhe transparent.?-thuhet ndër të tjera në njoftimin e Presidencës./ CNA.al





Lajmet e fundit nga