“Dje fillove misionin fisnik”/ Murrizi mesazh Yuri Kim: Realiteti politik janë pazaret e pista të 4-5 palaçove

23 Maj 2020, 15:26, Politikë CNA

?Mirëseerdhe në Shqipëri zonja ambasadore e Shteteve të Bashkuara Yuri Kim?. Kështu deklaron deputeti Myslim Murrizi, lidhur me deklaratat e forta të ambasadores së SHBA për Reformën në Drejtësi dhe atë Zgjedhore.

Murrizi thotë se deklarata e saj është realiteti politik shqiptar prej 30 vitesh dhe pazaret e pista të 4-5 palaçove në kurriz të shqiptarëve janë një realitet i hidhur që kanë kapur prej fyti dhe mbajnë peng jashtë Europës një komb.

?Reforma Zgjedhore reale është nyja gardiane që qëndron e lidhur në qafën e sovranitetit të votës së shqiptarëve. Ne si popull kemi vuajtur 45 vjet mohimin e zgjedhjes me votë. Por nga prilli 2008 përsëri shqiptarët nuk zgjedhin me votë. Demokracia lind nga vota dhe vdes kur mohohet vota. Sovraniteti i popullit është zgjedhja me votë, jo votimi formal për listat e dy pazarxhinjve që bëjnë sikur shkelin njëri-tjetrin me fadroma mbi trupa, por kanë 20 vjet që kanë shkelur mbi shqiptarët.

Edhe Reforma në Drejtësi e zvarritur dhe mosbesuese sot në sytë e shqiptarëve, i ka rrënjët tek pazaret e ndyra të palaçove pazarli. ?Baballarët dhe Mamallarët? e hartimit të Reformës në Drejtësi, të zgjedhjes së 27 individëve vetingues me integritet të dyshimtë e të munguar, është pazar i pistë mes 4-5 palaçove politikë që të njollosin reformën dhe t?i kenë nën komandë vetinguesit pa integritet. 27 vetinguesit janë votuar me 101 vota pro me datë 17 qershor 2017 nga të treja palët e politikës PS-PD-LSI falë pazareve të ndyra reciproke për individë me plot probleme në karakter, profesion dhe ligj?, shkruan ai.

Demokrati pretendon se Yuri Kim e ka filluar dje misionin e saj fisnik dhe i uron me sinqeritet dhe shpresë mirëseardhjen.

?Kombi shqiptar është një komb pro Amerikan, por politika e pazareve e ka mbajtur larg saj prej vitit që u rrëzua diktatura. Ju uroj mbarësi në misionin tuaj të filluar dje në Shqipëri dhe besoj shumë se do të kontriboni në të mirë të shqiptarëve duke denoncuar pazaret e një grushti të vogël politikanësh tinzarë, hipokritë, servilë kur janë përballë jush e të pabesë pas krahëve, hajdut të rëndomtë teë miliarda eurove teë taksave të qytetarëve shqiptarë. Që t?i njohësh më mirë, duhet t?i takosh sa më pak. Tako më shumë shqiptarë të tjerë për të njohur me rrënjë e dhëmballë keta ?pengmarrës? të demokracisë.

Shumica e atyre që shqiptarët i presin të jenë subjekt i drejtësisë së re, ishin në ceremoninë e mirseardhjes tuaj formale-juridike-diplomatike në hotel Rogner. Për rreth 5 milion shqiptarë dhe një ndër ta edhe unë, ju zonja Ambasadore Yuri Kim dje më datë 22 maj 2020 keni filuar punën dhe misionin fisnik por dhe të vështirë të Ambasadores së Shteteve të Bashkuara në Shqipërine reale të politikës hipokrite dhe tinzare. Ndaj me shumë sinqeritet dhe plot shpresë, ju uroj punë të mbarë dhe mirëseerdhe në Shqipëri zonja Yuri Kim Ambasadore e SHBA! Zoti të dhëntë mundësi e fuqi që të ndihmosh 5 milion shqiptarët për një demokraci të munguar dhe të shumë pritur e të kërkuar prej 30 vitesh?, nënvizon Murrizi./ CNA.al