web counter
LEXO PA REKLAMA!

SHKARKO APP

App Store
Google Play

E fundit!

x

Përlotet Bujar Asqeriu/ “Kur u shemb Teatri kalova një shqetësim kardiak, ja biseda me Ramën”

23 Maj 2020, 17:59, Politikë CNA

Aktori Bujar Asqeriu ka bërë deklarata të forta pasditen e sotme, teksa ka folur për shembjen e Teatrit Kombëtar nga qeveria dhe Bashkia e Tiranës.

Aqeriu tregoi se mëngjesin që u shemb Teatri kishte pësuar një moment kardiak dhe i ishte dashur të merrte qetësues.

?Unë u zgjova që në orën 4 e 30, po pickoja veten. Më dukej si një ëndër se si sulmohet Teatri në mënyrë të pabesë, si ka mundësi që të mos merret një konsensus? Kjo polici tërheq zvarrë vajzat?! Më këshilluam miqtë, më thanë mos shko se unë haja gishtat e mia me dhëmbë, pata edhe një problem, një moment kardiak, piva disa qetësues, çfarë do bëja unë? Të nesërmen shkova dhe ju thashë policëve: Hajdeni këtu o vëllezërit të mi, pse i tërhiqni zvarrë motrat, artistët, çfarë ju bënë ?!?, u shpreh ai në emisionin ?Kjo Javë?.

Aktori u përlot duke kujtuar rolet që ka luajtur në Teatrin Kombëtar me aktorët më të mëdhenj në vendin tonë. Asqeriu bëri edhe një thirrje për kryeministrin Edi Rama, të cilit i kujtoi një bisedë që kishin zhvilluar për Teatrin.

?Rezistenca është më fisnikja. Shteti duhet të binte dakord edhe me një aktor. Sa fisnikë janë. Shihni artistët në Shkodër. Artisti ka në gjak lirinë. Nuk shtypet. Pse e dua Lubonjën, sepse ka në gjak lirinë. Gabimi ishte sepse duhet të punohej më tepër. Kam punuar me çdo qytetar që më ka dalë në rrugë. Besimi më i madh është tek rinia. besimi që kam unë tek rinia. Po të ishte rinia nuk bëhej ai gabim. Dua të shpreh mirënjohjen më të madhe për kolegët e mi, për Neritanin, Bertin, Mondin. Që patën fuqinë dhe rezistuan për gjithë ato vajza dhe gra, që pa asnjë detyrim shkuan për të ndaluar shembjen e teatrit. I bëj thirrje Ramës, që më ka thënë që e ka hobi Teatrin, pse i përzë. Jo në vend tjetër Teatri. Por të bëhet ashtu siç ishte?, tha Asqeriu./ CNA.al





Lajmet e fundit nga