web counter
LEXO PA REKLAMA!

SHKARKO APP

App Store
Google Play

E fundit!

x

Demokratët në zi/ Humb jetën ish-kryetari i PD në Rrëshen

23 Maj 2020, 17:29, Politikë CNA

Ndahet nga jeta ish-kryetari i Partisë Demokratike në Mirditë Preng Toma.

Lajmin e ka bërë të ditur kryetari aktual i degës së PD në Mirditë Mark Ruçi, i cili deklaron se miku i tij ka humbur betejën me një sëmundje të rëndë.

Gjithashtu Ruçi tregon se demokrati ka humbur jetën në Itali dhe mbi kokë i kanë qëndruar gjatë gjithë kësaj kohe familjarët e të afërmit.

Preng Toma ka mbajtur postin e kryetarit të Komunës Kthellë dhe Bashkisë Rrëshen, si dhe ka qenë anëtar i kryesisë së PD-së në Rrëshen për shumë vite.

?Preng Toma ka qenë mësues i edukimit fizik peër shumë vite e njëkohësisht trajner i suksesshëm i ekipit legjendë të volejbollit të Minatorit të Rrëshenit. Shumë i votuar nga mirditorët pavarësisht bindjeve politike në ballafafaqimet elektorale në vendlindjen e tij Kthellën dhe në Rreshën duke u mandatur si kryetar i njësive lokale respektive. Me vizion të qartë dhe me përkushtim dhe veçanërisht me një armë të fortë si askush, raportet shumë të afërta me banorët respektive, ka justifikuar tërësisht besimin, nëpërmjet ndryshimeve të rëndësishme në nivel lokal .

Është pikërisht raporti shumeë i afërt. Njerëzor me mirditorët, që e bën akoma më të ndjeshëm dhimbjen e mirditorëve për humbjen e parakohshme të tij . Preng Toma ka qenë gjithmonë shumë i votuar nga strukturat dhe në disa herë radhazi ka qenë anëtar i kryesisë së Degës së Partisë Demokratike Mirditë dhe njëkohësisht dhe kryetar i Degës per periudhën 2000- 2003 , me arritje shumë pozitive në raundet elektorale. Preng Toma mbetet jo vetëm kontributor i rëndësishëm për PD, por dhe një ndër intelektualët potenciale të saj ndër vite. Në emër të demokratëve mirditorë dhe jo vetëm shprehim ngushëllimet më të thella familjes, të afërmve, miqve dhe shokëve të tij!?, shkruan Ruçi në rrjetet sociale./ CNA.al





Lajmet e fundit nga