web counter
LEXO PA REKLAMA!

SHKARKO APP

App Store
Google Play

Rama flet për Tiranën/ Tregon si do të jetë orari javën e ardhshme

14 Maj 2020, 19:57, Sociale CNA

“Rreziku sot është i madh sepse po hapemi”. Kështu deklaroi kryeministri Edi Rama teksa foli për shifrat e të infektuarve që sot shënuan rritje.

Rama tregoi se nëse shifrat do të vazhdojnë të jenë si sot, Tirana do të jetë qyteti i fundit që do të hapet dhe do të dalë nga lista e kuqe.

Kreu i qeverisë bëri të ditur se edhe në javën e ardhshme Tirana do të jetë me këtë orar, ndonëse do të hapen lokalet dhe baret vetëm për pjesën e jashtme.

“Jam shumë i paduruar të shikoj nurmat edhe sot, edhe nesër, edhe pasnesër nga Tirana. Tirana do të mbetet zonë e kuqe përsëri për shkak se është zonë me intensitet. Është vatra me rrezikshmërinë më të madhe se ka intensitet më të madh veprimtarie. Brenda kësaj veprimtarie vlerësimi është i madh. Tirana sipas gjasave nëse numrat do na flasin siç na folën sot, do jetë e fundit që do çlirohet se koha nuk është premtuese. Por në datë 18 do hapen baret dhe restorantet në zonën e jashtme.

Ky orar do jetë edhe javën e ardhshme. Hapja e bareve sigurisht që përbën një kërcënim. Nëse orari zgjatohet atëherë tendenca do të jetë për tu rikthyer në normalitet. Nuk është vetëm Lulzim Basha që thyen ligjin në mënyrë spektakolare. Nuk e kam të gjithë Shqipërinë ashtu, se po të ishte ashtu nuk do kishim këto shifra. Unë dua t’i them shqiptarëve vetëm kaq, për mua do keni ditën t’më gjykoni. Mos më kërkoni të bëj të mirin nëse faktet nuk ma lejojnë”, u shpreh kryeministri në emisionin “Opinion”./ CNA.al





Lajmet e fundit nga