web counter
LEXO PA REKLAMA!

SHKARKO APP

App Store
Google Play

E fundit!

x

"Sezoni hapet kur të vijë charteri i parë"/ Klosi: Në fillim të qershorit do kemi turistë

13 Maj 2020, 21:33, Sociale CNA

Ministri i Turizmit Blendi Klosi, deklaroi se nuk ka një datë për nisjen e sezonit turistik, por tregoi se përgjithësisht edhe në vitet tjera nis në këtë periudhë.

Klosi tregoi se këtë vit do të nisë me mbërritjen e charterit të parë në tokën shqiptare.

?As ka patur as ka për të patur ndonjëherë një datë sezoni turistik. Sezoni turistik përgjithësisht fillon në këtë periudhë. Kemi qenë shumë mirë pasi maji asnjëherë nuk është konsideruar sezon, tani e kemi konsideruar edhe majin sezon. Sezoni do të nisë kur të ulet çarteri i parë me turistë të huaj, apo kur të hapet kufiri me Kosovën?, u shpreh ai në emisionin “Opinion”.

Ministri tregoi se 33% e turistëve që vizitojnë vendin tonë janë nga Kosova, e cila pasohet nga Greqia, Italia, Zvicra, Gjermania dhe Polonia. Klosi deklaroi se në fillim të qershorit do të vijnë turistë në Shqipëri.

?Unë shpresoj shumë dhe e kemi bërë shpesh këtë debat, ne do kemi që në fillim të qershorit të parët turistë të huaj që vijnë nga kontrata me kompanitë turistike, pasi janë rezervime që nuk janë kanceluar?, nënvizoi ai./ CNA.al





Lajmet e fundit nga