web counter
LEXO PA REKLAMA!

SHKARKO APP

App Store
Google Play

"Protokolli për turizmin ka kosto shtesë"/ Zak Topuzi tregon çfarë do ndodhë me çmimet

12 Maj 2020, 20:53, Sociale CNA

Turizmi është një ndër sektorët më të prekur nga pandemia Covid-19 dhe për përfaqësuesit e kësaj industrie 2020-ta është vit mbijetese.

Zak Topuzi nga Shoqata Shqiptare e Turizmit, tha se industria turistike ka dy javë që pret një datë për hapjen e sezonit dhe ka filluar përgatitjen.

Ai deklaroi në emisionin Përballë se protokoli i qeverisë ka sjellë pengesa dhe kosto më të larta, ndërsa tregoi se nuk do ketë rritje çmimesh.

?Rasti më i mirë do jetë turizmi rajonal. Jemi në fazën e përgatitjes. Protokolli i vënë ka pengesa, ka kosto shtesë por më e rëndësishme hotelet dhe baret do të punojnë me stafe të reduktuara dhe staf të kualifikuar. E gjitha kjo do të sjellë të papunë dhe ketë kosto të shtuar. Por nuk mendoj se do ketë rritje të çmimeve. Pasi turizmi bazë do jetë ai rajonal apo ai i brendshëm. Dhe në jemi të përgatitur për vit mbijetese, në këto kushte pretendojmë të ketë lëvizje, turizëm. Kemi dy javë që kemi kërkuar dhe vazhdojnë bisedimet për të hapur sektorin e turizmit rajonal. Por problemi është që duhet të marrim masa për të filluar. Ne duam një datë hapje, duam angazhimin e pushtetit vendor dhe policisë që biznesi të organizojë plazhet. Duhet starti urgjent, pastaj data të jetë edhe e diskutueshme, por duhet starti që ne të bëhemi gati. Të na lejojë policia, të lejohet lëvizja?, theksoi Topuzi./ CNA.al





Lajmet e fundit nga