web counter
LEXO PA REKLAMA!

SHKARKO APP

App Store
Google Play

Dhuna me bazë gjinore/ Ambasadoret Kim dhe Hastad ngrejnë zërin: Të parandalohet

13 Maj 2020, 16:35, Sociale CNA

Ambasadorja e Shteteve të Bashkuara Yuri Kim dhe Ambasadorja e Suedisë Elsa Hastad organizuan sot një forum me 13 organizata që punojnë me çështjet e dhunës me bazë gjinore gjatë kufizimeve të COVID-19,

Ambasada e SHBA bën Tiranë bën me dije se të dyja Kim dhe Hastad diskutuan për ndikimin që ka pasur karantinimi te viktimat e dhunës, meqënëse i janë shtruar edhe më tepër mungesat financiare.

“Të dyja Ambasadoret patën një diskutim shumë të hapur mbi përpjekjet e shtuara të organizatave dhe sfidat e tyre në përgjigje të ndikimit që pandemia ka pasur në viktimat e dhunës me bazë gjinore, nga rreziku më i lartë i dhunës nga pjestarë të familjes, mungesën e mjeteve financiare për shkak të punësimit informal, rrezikun më të lartë të problemeve shëndetësore, deri tek rritja e vështirësive në qasjen ndaj drejtësisë për shkak të masave kufizuese. Në prill, Linja Kombëtare për Gra dhe Vajza mori 975 telefonata raportuese krahasuar me 312 në prill të 2019-ës, dhe 90% e tyre morën shërbime mbështetëse nga organizatat vendore që punojnë me çështjet e dhunës me bazë gjinore”, thuhet në deklaratën e ambasadës së SHBA.

Ndërkohë, raportohet se ambasadoret bënë thirrje për nevojshmërinë e një përgjigjeje më gjithëpërfshirëse nga publiku dhe institucionet qeveritare, përfshirë edhe policinë, në parandalimin e dhunës me bazë gjinore dhe dhënien e mbështetjes së nevojshme për viktimat e saj./ CNA.al





Lajmet e fundit nga