web counter
LEXO PA REKLAMA!

SHKARKO APP

App Store
Google Play

Rama jep lajmin/ "Shërbimet kadastrale do bëhen me aplikime online, përgjigja në 5-10 minuta"

14 Maj 2020, 15:50, Sociale CNA

Kryeministri Edi Rama ka njoftuar se do të ketë lehtësime në hipoteka dhe dokumenti i pronës do të mund të merret pa lëvizur nga shtëpia ose e thënë ndryshe online.

Gjatë një konference me drejtorin e Kadastrës, Artan Lame dhe drejtoreshën e AKSHI-t, Mirlinda Karcanaj, Rama tregoi se pagesat e shërbimeve të kadastrës do të mund t’i bëhen në e-albania.

Sipas tij, përgjigja për hipotekat do të vijë brenda 5 deri në 10 minutash.

“Që nga 1 janari, shërbimet kadastrale bëhen me aplikime online dhe me futjen e vulës elektronike, tani më, edhe pjesa tjetër e shërbimit do të bëhet online. Nuk është më nevoja që në një proces të arsyeshëm tranzicioni s?do të jetë e nevojshme që të shkohet fizikisht, pasi gjithçka do të bëhet nga shtëpia, nga telefoni. Faktikisht deri në dhjetor të vitit të shkuar, qytetari do të paraqitej fizikisht, do të aplikonte, do kryente pagesën dhe do të priste deri në ditën që t?i thuhej hajde merr dokumentin. Kështu ishin krijuar qerthujt e tmerrshëm të sekserëve duke përfshirë dhe gishtat. Tashmë qytetarët aplikojnë online, përmes telefonit. Kemi lehtësuar aplikimin. Por jo pjesën e dytë të shërbimit. Sot jemi këtu për të lajmëruar se lehtësohet i gjithë procesi. Ky është një revolucion i vërtetë dhe i plotë në rezultatin komplet. I gjithë sistemi pengues, përmes kanaleve të zeza të korrupsionit, do të shmanget. Tashmë koha e shërbimit do të jetë 5 deri në 10 minuta”, deklaroi kreu i qeverisë./ CNA.al





Lajmet e fundit nga