web counter
LEXO PA REKLAMA!

SHKARKO APP

App Store
Google Play

E fundit!

x

Dvorani: Gjykatës së Lartë i është rikthyer pjesërisht funksionaliteti

14 Maj 2020, 18:42, Politikë CNA

Kryetari i Gjykatës së Lartë Ardian Dvorani, ka reaguar pas emërimit të anëtarëve të rinj të këtij institucioni.

Dvoirani deklaron se Gjykata e Lartë i është rikithyer pjesërisht funksionalitetit dhe në ditët në vijim do të bëhen publike objektivat.

Sipas tij, në Gjykatën e Lartë ka filluar puna me intensitet. Dvorani njofton se po bashkëpunojnë me KLGJ-në, JFA, EURALIUS dhe institucione të tjera ndërkombëtare.

“Nisur nga interesimi i vazhdueshëm i medias, i subjekteve që janë palë në çështjet që presin të shqyrtohen dhe i publikut në tërësi, në lidhje me funksionimin dhe veprimtarinë e Gjykatës së Lartë, si edhe për dobinë e bashkëpunimit me projektin Justice for All (JFA), Zëvendës Kryetari i Gjykatës së Larte Z. Ardian Dvorani, dëshiron të përcjellë edhe këtë mesazh për median dhe per publikun.

Këto ditë dhe pa vonesë do të bëhen publike dhe do të vihen në zbatim të gjitha objektivat e këtij bashkëpunimi. Gjykata e Lartë prej kohësh ka kryer punë përgatitore dhe ka marrë masa për të mundësuar funksionimin e saj me të gjitha kapacitetet e mundshme.

Tashmë me emërimin e 3 gjyqtarëve të rinj Gjykatës së Lartë i është rikthyer pjesërisht funksionaliteti, ndaj ka filluar dhe po vijon me intensitet punën për shqyrtimin e çështjeve.

Ndërkohë jemi të vendosur  dhe të angazhuar që së bashku me KLGJ, JFA, EURALIUS dhe institucione të tjera ndërkombëtare, të marrim dhe të zbatojmë çdo masë që i shërben jo vetëm cilësisë së dhënies së drejtësisë por edhe përshpejtimit dhe rritjes së numrit të çështjeve që prej vitesh presim të shqyrtohen?, thuhet në deklaratën për mediat./ CNA.al





Lajmet e fundit nga