web counter
LEXO PA REKLAMA!

SHKARKO APP

App Store
Google Play

E fundit!

x

Legalizimi i kanabisit/ Topi: Sjellje jonormale e Ramës, jemi në proces integrimi

14 Maj 2020, 14:24, Politikë CNA

Ish-presidenti Bamir Topi ka reaguar lidhur me propozimin e kryeministrit Edi Rama për legalizimin e kanabisit.

Topi e cilësoi këtë si një sjellje jonormale politike nga ana e Ramës dhe shprehu qëndrimin e tij kundër legalizimit të kanabisit.

Në një lidhje me emisionin “Top Talk”, Topi tha se kjo nismë e marrë nga qeveria po bëhet në kohën e gabuar dhe nga kryeministri i gabuar.

“Duket një sjellje jo normale politike. Në rast se shikon programin e PS nuk e ke të shkruar në asnjë vend se PS në pushtet do t’i japë mundësi administratës për të hapur drafte për përpunimin e kanabisit. Në rast se ka njeri që nuk duhet ta bëjë këtë për shkak të një precedenti të rëndë që ka me kanabisin, është kryeministri aktual.

Nëse do jetë një kryeministër tjetër që do ta hapë këtë temë mund të bëhet por ky jo. Ky ka edhe një ministër që po hetohet për këtë çështje. Çështjet e tilla kur ke një proces për tu integruar në BE dhe je i akuzuar si vend për tregtimin dhe lulëzimin e kanabisit si asnjë herë më parë, unë besoj se këtu ka mungesë të kredibilitetit”, deklaroi ish-Kreu i Shtetit./ CNA.al





Lajmet e fundit nga