web counter
LEXO PA REKLAMA!

SHKARKO APP

E fundit!

x

Basha takim me operatorët turistikë/ "Qeveria të marrë masa konkrete"

14 Maj 2020, 13:51, Politikë CNA

Kryetari i opozitës Lulzim Basha ka zhvilluar një takim me operatorët turistikë në Durrës, të cilët janë prekur si nga tërmneti ashtu edhe nga pandemia e koronavirusit.

Basha ngre akuzat se deri më sot qeveria Rama nuk ka marrë asnjë masë konkrete për të ndihmuar operatorët turistikë, hotelerinë dhe biznesin e turizmit që janë dhe burimi kryesor i të ardhurave për familjet durrsake.

Në një postim në rrjetet sociale, Basha bën me dije se u njoh me problemet e mëdha me të cilat po përballet turizmi në Durrës, ndërsa pretendon se shqetësimet e operatorëve deri më sot kanë rënë në vesh te shurdhër.

“Problemet e tyre janë të lidhura me mungesën e mbështetjes financiare, hapjen e kufijve tokësorë dhe koordinimin me Kosoven por dhe me Maqedoninë e Veriut, e Malin e Zi për të stimuluar turizmin kombëtar dhe rajonal.

Operatorët e turizmit në Durrës kërkojnë:

1. Ndihmën financiare, me qëllim mbajtjen në punë të punonjësve të sektorit dhe subvencionimin e kontributeve shoqërore dhe shëndetësore.

2. Sigurimin e likuiditetit përmes skemave të garancisë shtetërore pa kosto për biznesin.

3. Anullimin apo shtyrjen e detyrimeve tatimore qëndrore dhe lokale, të cilat vazhdojnë të vijnë rregullisht.

3. Bashkëpunim me vendet e tjera, sidomos me fqinjët, për rakordimin e politikave dhe hapjen e mundësive për turizëm.

4. Rishikimin e tarifave për plazhet dhe heqjen e tarifave për vendet e vizitave apo institucionet kulturore që do të vizitohen nga turistët.

Ramavirusi që ka prekur çdo sektor të ekonomisë shqiptare, për turizmin është vdekjeprurës për shkak të masavë kaotike dhe mosdhënien e ndihmës nga ana e qeverisë. Shqiptarët varfërohen, turizmi po lëngon ndërsa Edi Rama mendon të pasurojë vetëm oligarkët e tij duke i vënë në dispozicion pasuritë dhe lekët e shqiptarëve”, shkruan kryetari i Republikës së Re./ CNA.al





Lajmet e fundit nga