web counter
LEXO PA REKLAMA!

SHKARKO APP

App Store
Google Play

E fundit!

x

Çështja e Teatrit Kombëtar/ Ish-ministri i Ramës tregon shkeljet ligjore

14 Maj 2020, 07:31, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me çështjen e Teatrit Kombëtar.

Në një postim në rrjetet sociale, ai jep disa sqarime ligjore në lidhje me këtë çështje, ndërsa thekson se Teatrit Kombëtar është pjesë e trashëgimisë historie të shtetit/kombit, përfshi edhe bashkinë e Tiranës. Si e tillë ajo godine mbrohet dhe restaurohet por nuk shëmbet.

?Edhe njëherë, për të gjithë ata që kërkojnë sqarime ligjore për çështjen e Teatrit Kombëtar.
1. Teatri Kombëtar është institucion i kulturës kombëtare dhe jo lokale.
2. Si çdo institucion tjetër edhe Teatri Kombëtar ka personelin, buxhetin dhe asetet e luajtshme dhe të paluajtëshme në dispozicion të kryerjes së veprimtarisë së tij.
3. Godina e Teatrit është pjesë e inventarit të tij. Nuk ka kuptim që asetet i jepen bashkisë, rrogat i jep qeveria, personelin e cakton ministria!!! Funksionet janë të ndara dhe jo elementët e një institucioni.
4. Nëse bashkia ka para dhe do të ndërtojë teatrin komunal, le ta bëjë ku të dojë.
5. Ndërtesa e Teatrit Kombëtar është pjesë e trashëgimisë historie të shtetit/kombit, përfshi edhe bashkinë e Tiranës. Si e tillë ajo godine mbrohet dhe restaurohet por nuk shëmbet.
6. Restaurimi dhe funksionimi i këtij Teatri është funksion i qeverisë qendrore i padelegueshëm, aq më pak për tu përdorur si truall ndërtimi.
7. Trajtimi i asetit si truall është krim mdaj trashëgimisë kombëtare. Kalimi i tij në bashki për ndërtim (qoftë dhe të jë teatri të ri) është njësoj sikur qeveria të japë selinë e saj për ndërtim bashkisë.
Kjo është llogjika e ligjeve.
Bashibozukët kanë llogjikë tjetër…?-shkruan Ylli Manjani./ CNA.al





Lajmet e fundit nga