web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj mesazh publik Klosit/ "Duhet një vendim për kufijtë me Kosovën, qartëso turizmin"

13 Maj 2020, 21:17, Politikë CNA

Ministri i ngarkuar për situatën ekonomike nga koronavirusi, Arben Ahmetaj, deklaroi me besim se këtë verë do të kemi turizëm edhe pse jo me numrat që e prisnin.

Ahmetaj deklaroi se duhet të jemi të kujdesshëm dhe kërkoi që të merret një vendim për kufijtë me Kosovën dhe me Maqedoninë e Veriut.

?Turizmi nuk kërkon paketë të tretë, sektori u furnizua me subvencion, iu spostua pagesa e taksës deri në 31 dhjetor, e treta brenda sektorit të garancisë është sektor prioritar. Turizmi ka nevojë për një gjë tjetër parashikueshmëri dhe siguri, e kam fjalën për hapjen. Sa për sigurinë duhet të jetë vetë actor. Ne kemi detyrë si qeveri maksimumi deri të hënën të jemi të qartë?, u shpreh ministri në “Real Story”, ndërsa tregoi se këtë gjë ia ka kërkuar edhe kolegut të tij Blendi Klosit.

?Turizmi sot kërkon qartësi. Unë i kam kërkuar si koleg edhe ministrit Klosi, që deri të hënën dhe të martën duhet ta qartësojmë punën me turizmin. Cilët kufinj hapen dhe kur? Nëse trafiku ajror do jetë në ngërc, ne kemi kufijtë tokësorë. Kur e hapim kufirin me Kosovën dhe Maqedoninë e Veriut? Cilët janë vendet që na vijnë më shumë për turizëm, protokolli që do ndiqet dhe sa kohë para duhet t?ja themi këto që sektori të përgatitet? Ia kemi borxh sektorit këto, ia kemi borxh qartësimin. Ne nuk jemi duke vepruar ndryshe nga bota. Ne po i ndjekim protokollet mbase më mirë se ato?, deklaroi Ahmetaj./ CNA.al





Lajmet e fundit nga