E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Basha nuk pyet për turp/ Gënjen dy herë live shqiptarët

13 Maj 2020, 19:44, Politikë CNA

Sot në mbrëmje në studion e televizionit Fax News, sapo ka filluar emisioni me gazetarin simpatik Bejdo Malo, kreu i Republikës së Re Lulzim Basha direkt ka filluar me gënjeshtra.

Pyetja e parë e Bejdos ishte: ?Po shoh që po përvishni mëngët zoti Basha, sa jeni kthyer nga terreni besoj?,?

Po tha Basha. Në fakt kjo është një gënjeshtër e madhe sepse Luli ka shkuar nga shtëpia atje, pasi në terren ka qenë në mëngjes dhe në mbrëmje nuk ka qenë asgjëkundi. Ka qenë pak në zyrë, kjo është e vërtetuar lehtësisht.

Më pas ka thënë edhe një gënjeshtër të dytë, teksa deklaroi se nuk ka bërë kurrë aleancë me Ramën, por vetëm marrëveshje.

“PD nuk ka bërë ndonjëherë aleancë me PS-në. Marrëveshja e 2017 ishte që të garantonte zgjedhje të lira. Dhe marrëveshja ka dy palë, ne zbatuam marrëveshjen ndërsa pala tjetër bëri atë që u pa, vodhi votat. 2017-ta ishte një marrëveshje për zgjedhje të lira e të ndershme”, deklaroi kryetari i Republikës së Re.

Në fakt ku ndryshon aleanca me marrëveshjen. Lulzim Basha bëri një marrëveshje në datën 17 maj të vitit 2017 për zgjedhje, për bashkëqeverisje, pra për një aleancë që do të ndodhte në rast se Rama i vetëm nuk do t’i fitonte 71 mandatet dhe në këtë rast nuk do të merrte në koalicion LSI-në por Lulzim Bashën dhe Republikën e tij të Re dhe kështu do të krijoheshe aleanca e bashkëqeverisjes, por marrëveshja u firmos dhe gjithçka u pranua publikisht.

Kujtojmë këtu fushatën e asokohe ku Lulzim Basha sulmin e pati të drejtëpërdrejtë ndaj LSI-së, PDIU-së dhe aleatëve që Rama i kishte në qeveri dhe që më parë i kishte pasur PD-ja kur ishte në pushtet.

Pra dy gënjeshtra në pak momente në Fax News. Njëra ishte në lidhje me mëngët e tij të përveshura se gjoja vinte nga terreni dhe e dyta se gjoja nuk ka bërë kurrë aleancë me Ramën. Në fakt ai firmosi një marrëveshje për aleancë qeverisjeje por këtë ia dështuan shqiptarët, pasi e çuan Lulin në atë gradë që të mos mund të ishte dot në qeveri.

Dhe kështu siç e ka nisur, me gënjeshtrat që po vazhdon dhe me këshillat e mëdha dhe nga studiot simpatike që po flet, duket se e ardhmja e tij për bashkëqeverisje me Ramën është edhe më e sigurt se kurrë./ CNA.al