Kulluri zbulon çfarë po ndodh me Reformën Zgjedhore/ Kushti që duhet të plotësohet

13 Maj 2020, 13:30, Politikë CNA

Ish-anëtari i Këshillit Kombëtar të PD-së, Edvin Kulluri ka komentuar debatet në lidhje me Reformën Zgjedhore.

Sipas Kullurit, të katër palët e përfshira kanë qëndrime të ndryshme.

Në një intervistë për gazetën ?Standard?, Kulluri tha se ?Së pari unë mendoj se të 4-ta palët e përfshira në Reformën Zgjedhore kanë qëndrime të ndryshme, këtu kam parasysh PD, PS, aleatet e vegjël të PD-së, dhe deputetet e opozites së re parlamentare si Rudina Hajdari, Myslim Murrizin dhe të tjerë.

PS është përqendruar kryesisht tek rekomandimet e OSBE ODHIR, PD në cështjet e blerjes së votës, dhe mundesinë për ta shmangur këtë fenomen, me të drejtë, dhe mbi te gjitha tek një Déjà vu e 2017-ës për të pasur një qeveri kujdestare, çka tregoi ne fakt se ishte një dështim nga precedenti i krijuar para 3 vjetesh, ndërkohë që aleatet e vegjel të PD janë duke kërkuar nje sistem zgjedhor që të ketë parasysh ndarjen e nën koalicionit brenda koalicioneve politike në mënyre që tepricat e votive nga partia e parë të mos i marr partia e dytë por të shpërndahen në mënyrë uniforme. ?.

Sipas Kullurit, opsioni më demokratik është ai i opozitës së re, e cila kërkon ndryshim të sistemit, por shtoi se nëse nuk përmbushet kushti i demokratizimit të brendshëm të partive politike do ishte e pakuptimtë.

?Ndërkohë që deputetët e opozitës së re kanë një qëndrim komplet tjeter nga palët e cituara më sipër, pasi kërkojnë ndryshimin e sistemit zgjedhor nga ai propocional me lista të mbyllura tek ai propocional me lista të hapura, që qytetarër të kenë mundësi të votojnë në mënyrë individuale emrat e përcaktuara nga partitë politike.

Ky në fakt është opsioni më demokratik, por ka një defekt që e kam përmendur edhe më parë, që nëse nuk përmbushet kushti i demokratizimit të brendshëm të partive politike do ishte e pakuptimtë të ndryshonte renditja e një liste të zgjedhur nga kryetari i partisë në mënyrë arbitrare, qoftë Rama, Basha apo kushdo krytar partie tjetër. Një sistem që do të qëndronte me lista të hapura, do të kishte kuptim nëse lista e hapur do të ishte një kombinim i cilësisë, demokratizimit dhe një përzgjehdje korrekte politike, dhe jo një vendimarrje absolute arbitrare e kryetarëve, përndryshe do të ndryshonte renditja e emrave të prodhuar nga një process arbitrar dhe anti demokratik por jo thelbi i sistemit, ndaj e shikoj një situatë shumë konfuze të gjithë atë që po ndodh me reformën zgjedhore, ka një kakofoni në të gjitha palët dhe duket se do jetë e vështire të gjendet një kompromis pasi të gjithë shkojnë në drejtim krejtësisht të ndryshme.?-tha Edvin Kulluri.

Po ashtu ai risjell në vëmendje faktin se PD nuk ka asnjë deputet në parlament, gjë që ia bën të pamundur imponimin e kushteve të saj.

?Ndërkohë që PD pretendon kushtet e veta ajo nuk ka sot asnjë votë në parlament për tju imponuar mazhorancës dhe pjesës tjetër të deputetëve, ndërsa PS ka një shumicë absolute të mjaftueshme sipas Kodit Zgjedhor për shkak se një pjesë e deputetëve të opozitës në parlament faktikisht kanë votuar disa nisma shumë serioze ne kuptimin e cënimit të demokracisë nga ana e mazhorancës, ndaj është një ekuacion me shumë të panjohura, në të cilin unë interesin e qytetarëve nuk e dalloj dhe nuk e shikoj dot se sip o realizohet për të pasur një Kod zgjehdor më të mirë, për të pasur një proces zgjedhor demokratik ku njerezit të vendosin në mënyrë të lirë.?-ka deklaruar Edvin Kulluri.