web counter
LEXO PA REKLAMA!

SHKARKO APP

App Store
Google Play

E fundit!

x

Reforma Zgjedhore/ Vasili: Rama do që të shkatërrojë konsensusin mes palëve

13 Maj 2020, 13:08, Politikë CNA

Pas mbledhjes së Këshillit Politik për Reformën Zgjedhore, nënkryetari i LSI, Petrit Vasili thotë se Edi Rama do që të shkatërrojë konsensusin mes palëve e të kompromentojë kështu Reformën Zgjedhore.

?Kryeministri tha dje se nuk më interesojnë propozimet e opozitës, por më interesojnë vetëm propozimet e OSBE ODIHR-it. Në Shqipëri ka ndodhur vetëm një fenomen, grabitje dhe vjedhje e votës. Kjo maxhorancë ecën me divizën ?ju votoni se ne numërojmë votat?. Rama e tha qartë se nuk negociojmë asgjë. Ne kërkuam që maxhoranca të tërhiqet, duke qenë se nuk do konsensus?, tha Vasili i ftuar në rubrikën ?Opinion? në ?News 24?.

Petrit Vasili u shpreh se opozita e bashkuar ka përballë një njeri si Damian Gjiknuri që sipas tij është kapur në vjedhje votash, duke shtuar se maxhoranca është e vendosur që të kompromentojë procesin.
?Gjiknuri u vendos hapur në krah të zonjës Hajdari. Ata kërkonin që të vazhdohej si të vijohet diskutimi me sistemin. Gënjeshtra nuk ka qenë ndonjëherë meritë, por një turp. Aq më tepër në moshë të re, të jep nurin e karakterin. Fakti që Gjiknuri është kapur në vjedhje votash është problem shumë i madh moral. Sigurisht është një tregues i keq. Ky është kompromentim politik. Maxhoranca do që ta kompromentojë këtë proces?, deklaroi Vasili.

Po ashtu, Vasili tha se nuk e ka pranuar asnjëherë Gjinkurin personalisht, por opozita vendosi të shojë në Këshill si një sakrificë ndaj shqiptarëve./CNA.al





Lajmet e fundit nga