E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Artan Hoxha i kërkon llogari Lleshajt/ Nuk e keni zhdukur kanabisin, pse keni futur në remont helikopterët

12 Maj 2020, 21:30, Politikë CNA

Gazetari Artan Hoxha i ka kërkuar llogari në mënyrë të drejtëpërdrejtë ministrit të Brendshëm Sandër Lleshajt mbrëmjen e sotme.

Hoxha i tha Lleshajt se policia nuk e ka zhdukur fenomenin e kanabisit, ndonëse ka pasur tendencë ulje, ndërsa ky i fundit e pranoi këtë.

Gjithashtu gazetari kërkoi të dijë edhe përse nuk janë lejuar avionët monitorues nga Italia dhe ërse janë futur në remont helikopterët.

Biseda në “Opinion”:

Hoxha: Nga informacionet që unë kam më rezulton se fenomeni i kanabisit nuk është zhdukur. Sasitë e kapura kanë dëshmuar se vërtetë pa pasur shifra në rënie, por jo zhdukjen e këtij fenomeni.

Lleshaj: Unë nuk thashë që e kemi zhdukur, e kemi nën kontroll.

Hoxha: Pyetja imje qëndron në këtë kontekst. Ju thatë që deri tani nuk ka ende një marrëveshje për avionin që kontrollon nga ajri, avioni që vjen nga Italia. E para, e dyta, ju besuat dhe bëtë të ditur që do përdorni shumë dronet, ndërkohë që unë po them se dronet nuk kanë distancë të largët fluturimi dhe monitorimi të vendit. A e dini që të paktën për 6 muaj flota jonë e helikopterëve të ministrisë së Mbrojtjes dhe ministrisë së Brendshme është në remont dhe të vetmët helikopterë që kam parë të qarkullojnë në këto kohë janë të ministrisë së Shëndetësisë. Nuk e di cila arsye i ka detyruar autoritetet tona që njëkohësisht të fusin në remont të gjithë flotën, por duke ngelur pa avionët monitorues nga Italia dhe pa flotën e cila është në remont dhe ky është një lajm me përgjegjësi, pra nëse ne ngelemi pa mbrojtje nga ajri, nuk ju duket se jemi në një situatë jo dhe aq entuziaste sa po propagandoni?

Lleshaj: Unë nuk them situatë entuziaste, unë jap garanci që ky fenomen nuk ka shans të zhvillohet dhe goditja do të jetë edhe më e fortë dhe rezultatet do të jenë edhe më të larta. Për këtë jap garanci se di kapacitetet që kam në dispozicion.

Hoxha: Aktualisht helikopterët janë në remont, ju kanë vënë në dijeni apo jo?

Lleshaj: Jo, nuk di a jeni ju në dijeni, se unë jam në dijeni se çfarë kapacitetesh janë të gatshme për të fluturuar dhe ka kapacitete të gatshme./ CNA.al