web counter
LEXO PA REKLAMA!

SHKARKO APP

App Store
Google Play

Rindërtimi/ Tabaku nxjerr shkresën: Rama dhe pinoku i Tiranës po tenderojnë pa fonde në buxhet

12 Maj 2020, 17:05, Politikë CNA

Ish-deputetja e Partisë Demokratike, Jorida Tabaku, ka reaguar për deklaratën e kryeministrit Edi Rama se nuk ka asnjë vonesë në alokimin e fondeve të rindërtimit.

Tabaku ka publikuar shkresën për vlerën e rindërtimit dhe akuzon qeverinë se po gënjen, pasi pretendon se janë alokuar vetëm 20% e vlerës së projektit për rindërtimet në 2020.

Ajo deklaron se Rama dhe kryebashkiaku i Tiranës po tenderojnë pa fonde të disponueshme në buxhet dhe tenderat po ia japin firmave të lidhura me to.

“Me një buxhet të shkatërruar nga korrupsioni dhe PPP-të me një arkë të mbushur këto 7 vjet nga taksat e larta, i qartë se konsumi po bie pikiatë dhe se shqiptarët do të kalojnë krizën më të madhe ekonomike pas pandemisë, Rama gjen guximin të flasë për buxhete rindërtimesh. I bindur se me propagandë do ta mposhtë realitetin edhe kësaj here ai flet për buxhetin e rindërtimit pasi gënjeu shqiptarët për buxhetin anti-COVID. U thotë shqiptarëve se asnjë qindarkë nuk preket në buxhetin e rindërtimit dhe nuk u shpjegon të vërtetën.

Sipas shkresës së qeverisë janë alokuar vetëm 20% e vlerës së projektit për rindërtimet në 2020. Pra kryeministri dhe pinoku në krye të Tiranës apo dhe të emëruarit në rrethe po tenderojnë pa fonde të disponueshme në buxhet. Po u japin firmave të lidhura me to tendera rindërtimesh me shpresën se do të marrin fonde nga vendet e BE. Por për shqiptarët e prekur sa nga tërmeti dhe nga pandemia ekonomike ndihma ishte qesharake. Mbështetja reale në ekonomi qe 0.8% e PBB megjithëse në 7 vjet me radhë shqiptarët kanë paguar taksat më të larta në rajon”, shkruan demokratja në rrjetet sociale.

Më tej, ish-deputetja ngre akuzat se Rama e ka gërryer ekonominë, shëndetësinë, dhe mirëqenien e shqiptarëve.

Sipas saj, koronavirusi thjesht po i jep dorën e fundit duke nxjerrë dështimet e keqqeverisjes së Ramës dhe paaftësisë së tij për të menaxhuar situatën./ CNA.al





Lajmet e fundit nga