web counter
LEXO PA REKLAMA!

SHKARKO APP

App Store
Google Play

E fundit!

x

"Shqipëria humb 10-fishin e vendeve të punës"/ Bardhi: Gjendja e rënduar, Rama vetëm vjedh

12 Maj 2020, 15:37, Politikë CNA

Dhoma e Tregtisë Maqedonase deklaroi sot se Shqipëria ka humbur 10 herë më shumë vende pune sesa Maqedonia e Veriut dhe Serbia si shkak i Covid-19.

Pas kësaj analize ka ardhur edhe reagimi i Partisë Demokratike, konkretisht i sekretarit të Përgjithshëm Gazment Bardhit.

Bardhi pretendon se kjo ka ndodhur për shkak të kryeministrit Edi Rama dhe qeverisë, që sipas tij e kanë mendjen vetëm të vjedhin.

“Për shkak të Ramavirusit, Shqipëria është vendi i fundit në rajon për ndihmën ndaj qytetarëve dhe biznesit. Edi Rama ka dhënë vetëm 41.5 milionë euro për 3 milionë shqiptarë, aq sa paguan 2 oligarkë tek Unaza e Re. Gjendja është shumë e rënduar mga pandemia ekonomike, e shkaktuar prej një qeverie dhe kryeministri të dështuar. Bizneset po mbyllen dhe bashkë me to, edhe vendet e punës.

Kemi humbur 10 fishin e vendeve të punës, në krahasim me vendet e rajonit, që do të thotë më shumë varfëri, më pak zhvillim. Shqiptarët nuk e meritojnë të jenë për gjithçka të fundit vetëm se kanë një qeveri që i vjedh dhe i braktis në ditën më të keqe”, shkruan demokrati në rrjetet sociale./ CNA.al





Lajmet e fundit nga