E fundit!

21:28 Politikë

Votimi për strukturat drejtuese/ Berisha: Kemi ekipin më të mirë në historinë e PD-së

Kreu i Partisë Demokratike, Sali Berisha, ka folur për med...

Voltana Ademi thirrje Ministrisë së Bujqësisë/ Të mbrohet ekonomia nga “grenxa e zezë”

12 Maj 2020, 10:49, Politikë CNA

Kryetarja në detyrë e Bashkisë së Shkodrës, Voltana Ademi i ka drejtuar një thirrje ministrisë së Bujqësisë, që të mbrojë ekonominë pyjore të zonës.

Në kërkesën drejtuar ministrisë, Ademi thekson se për të dytin vit rradhazi, kultura e gështenjës është infektuar nga ?grenxa e zezë?.

Sipas Ademit, rreth 1124 hektarë me këtë bimë, ku përfshihen ekonomitë pyjore Lugina e Kirit, Shosh1 , Rosek Drisht, Shalë 1 dhe Shalë 2, janë prekur nga kjo sëmundje.

Po ashtu, ajo thekson se kultura e gështenjës, është kultura kryesore për zonën, përmes të cilës sigurohen të ardhurat për familjet.

?Të nderuar,

Për të dytin vit rradhazi, kultura e gështenjës është infektuar nga ?grenxa e zezë?. Rreth 1124 hektarë me këtë bimë, ku përfshihen ekonomitë pyjore Lugina e Kirit, Shosh1 , Rosek Drisht, Shalë 1 dhe Shalë 2, janë prekur nga kjo sëmundje.

Pas sinjalizimeve të marra nga administratorët e njësive administrative, Bashkia e Shkodrës ka sinjalizuar Ministrinë e Bujqësisë dhe Prefektin e Qarkut Shkodër, ka përcaktuar edhe përfaqësuesit e saj në një grup pune që duhej të ngrihej dhe që faktikisht, nuk është bërë asnjëherë funksional nga dikasteret në qendër dhe drejtoritë rajonale në Shkodër.

Kultura e gështenjës, është kultura kryesore për zonën, përmes të cilës sigurohen të ardhurat për familjet. Pavarësisht se shqetësimi ngrihet prej dy vitesh, akoma nuk ka asnjë reagim nga Ministria e Bujqësisë.

Në emrin e banorëve që administrojnë këto ekonomi pyjore në Luginën e Kirit, në Shosh, Rosek Drisht, në Shalë, i bëjmë apel Ministrisë së Bujqësisë, që të ndërmarrë e masat emergjente për mbrojtjen dhe luftimin e këtij infeksioni të gështenjës. Nuk ka abuzim më të madh se sa moskokëçarja dhe papërgjegjeshmëria për një nevojë tashmë emergjente, kërcënuese për ekonominë e familjeve të Dukagjinit, kërcënuese për ambjentin dhe pyjet në Veri.

Bashkia e Shkodrës është e gatshme të vërë në dispozicion çfarë të kërkohet, vetëm që kjo gjë të zgjidhet me eskpertizën e duhur.

Ky është apeli i fundit. Më pas do t?i drejtohem organeve ligjzbatuese dhe të hetimit.?-thuhet në kërkesën e Ademit.