web counter
LEXO PA REKLAMA!

SHKARKO APP

App Store
Google Play

E fundit!

x

"Rama po i hap rrugën kultivuesve të kanabisit"/ Lubonja: I duhet për zgjedhjet e ardhshme

11 Maj 2020, 21:31, Politikë CNA

Analisti Fatos Lubonja, ka folur lidhur me propozimin e kryeministrit Edi Rama për të legalizuar kultivimin e kanabisit për arsye mjekësore.

Lubonja tha se duke legalizuar kanabisin, qeveria po i hap rrugën të gjithë atyre që janë marrë me kultivimin e lëndës narkotike gjatë këtyre viteve.

?Unë dua të them që Shqipëria asnjëherë s?ka reshtur së trafikuari kanabis, përkundrazi e ka rritur atë ndër vite. Tani jemi në një situatë ku me krizën që ka krijuar pandemia, ka pakësuar të ardhurat e ndershme, në mungesë të këtyre dhe prurjeve të emigrantëve, qeveria po mendon që atë gjë që e luftoi, po e përqafon, po i shkel një sy trafikantëve. Duke hapur rrugën, legalizimin e kultivimit të kanabisit medicinal, qeveria i hap rrugën të gjithë atyre që janë marrë me këtë punë?, u shpreh ai në emisionin “Real Story”, ndërsa theksoi qëndrimin e tij kundër këtij propozimi të Ramës.

“Problemi është se vitin tjetër janë zgjedhjet dhe kanabisi ndihmon ekonominë kriminale. I vetmi kompenticion që bëjmë në Europë janë prostitucioni dhe trafiku i drogës dhe i kemi lënë shqiptarët e ndershëm të jenë shërbëtor të grekëve dhe të italianëve. Kjo ndodh në një kohë që toka jonë mund të prodhojë domate dhe të tjera produkte ushqimore me rëndësi. Fitimi i madh nga kanabisi në Shqipëri vjen sepse shitet shtrenjtë sepse është ilegal. Nëse bëjmë këtë, konsumatorët do shkojnë tek kokaina e heroina. Unë mendoj se kjo nismë nuk është e mirë. Shqiptarët të mbjellin tokën e mos mbjellin kanabisin kriminal. Kanabisi iu duhet për zgjedhjet e ardhshme”, theksoi analisti./ CNA.al





Lajmet e fundit nga