E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kur "ortakëria" publike me Lalin e "Mjaft" dhe Rilindjes shkëlqen mbi mjekrën e Çlirim Pekës

11 Maj 2020, 16:25, Politikë CNA

CNA.al e ka paralajmëruar që me 5 maj, se me daljen e kryeministrit Rama në Syri TV, se ky televizion i ri të cilit nuk i dihet burimi, do të ishte një zë i shtuar në shërbim segmenteve të Rilindjes, kryeministrit Rama dhe veçanarisht kryebashkiakut të Tiranës Erion Veliaj. (lexo këtu)

Nuk zgjati shumë në fakt, pas legalizimit që i bëri Rama, Lali Eri nuk duroi dot. Jo vetëm u shfaq sot, por tv u vendos në dispozicion të tij në edicionin e lajmeve për të bërë propagandë dhe gënjyer publikisht.

CNA .al e ka theksuar që vajtja e Edi Ramës në Syri TV nuk është asgjë tjetër, por thjeshtë dhe vetëm legalizimi i një investimi që nuk i dihet burimi. (lexo këtu)

Në një koment të më hershëm CNA.al theksoi se kjo do i hapte rrugën Erion Veliajt që të vazhdojë ?investimin? e tij pranë Syri TV dhe Çim Pekës, dhe kjo ndodhi pikërisht sot.

Ja çfarë shkruanim më 6 maj:

Ky që nuk shkonte tek Ylli Rakipi që nuk kishte as televizionin e tij, shkon tek ?Çlirim investitori? që si dihen burimet. Çfarë mund të presësh nga Edi Rama, morali i tij ka vdekur me kohë.

Për më tepër ai i hap rrugën Erion Veliajt që të vazhdojë ?investimin? e tij pranë Syri TV dhe Çim Pekës.

Lali Eri i Bashkisë njihet si një mik i ngushtë i drejtuesve të Syrit dhe Çim Pekës personalisht. Pa folur më tej për marëdhëniet e tyre, të cilat duken qartë nga fakti sesi një media e pretenduar opozitare i bën ?fresk? kryebashkiakut të Tiranës. Apo bëjnë gjoja sikur e sulmojnë.

E me vajtjen e Edi Ramës, i dyti që do të shkojë te Syri me vrap do të jetë Erion Veliaj. Ai pret që të shkojë kryeministri dhe më pas t?i hapet rruga e tij për të bashkëpunuar me mikun e ngushtë Çim Peka, ku nuk ka arsye pse të mos jetë edhe një nga ?bashkëinvestitorët? e Syri Tv, direkt apo indirekt nëpërmjet qokave dhe bashkëpunimit të ngushtë me Çim Pekën.

Tashmë kemi një media të quajtur opozitare, të legalizuar nga Edi Rama, në shërbim të Erion Veliajt. Kjo është pamja që na jep Syri TV, i Çim Pekës.“/CNA.al