E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skandali me tenderin 3.5 milion dollarë/ Kush e bleu heshtjen e Lulzim Bashës?

11 Maj 2020, 10:37, Politikë CNA

Në muajin prill të këtij viti ka pasur një sërë denoncimesh në lidhje me një tender sekret, prej 3.5 milion dollarësh, të zhvilluar nga Ministria e Shëndetësisë, për blerjen e maskave dhe pajisjeve mbrojtëse për personelin mjekësor, në kuadër të situatës së krijuar nga pandemia e Covid-19.

Në fillim ishte një media, Boldnews, e cila raportonte Ministria e Shëndetësisë ka nënshkruar kontratë per furnizimin me maska dhe doreza me kompaninë ?Farma Net Albania?, megjithëse kjo e fundit ka paraqitur ofertën më të lartë. Sipas kësaj media, ?Farma Net Albania?, me administrator biznesmenin Sokol Topciu, ka paraqitur çmimin prej 8 mijë lekë (të vjetra) për maskë.

Më tej, pati edhe një reagim nga ana e Partisë Demokratike.

Në 18 prill 2020, në një dalje publike nga jashtë ministrisë së Shëndetësisë, ish-deputetja e PD-së Albana Vokshi lëshoi një lumë me akuza në drejtim të kryeministrit Edi Rama dhe qeverisë së tij. Në emër të PD-së Vokshi tha se qeveria i bleu me 2 fishin e çmimit të tregut këto pajisje mjekësore.

Ish-deputetja e PD-së, Albana Vokshi tha se ?Bëhet fjalë për mbi 200 mijë maska dhe mjete të tjera mbrojtëse, të blera nga qeveria me çmime stratosferike. Do të sjellim prova për një abuzim skandaloz me paratë e shqiptarëve. Ne besojmë se ky abuzim i madh ka detyruar qeverinë të klasifikojë si sekret këta tendera hajdutësh, që e zhdoganojnë një maskë me 3 euro dhe e blejnë me 8 mijë lekë me çmim shumice.?

Po ashtu ajo publikoi edhe vendimin e qeverisë, që e klasifikon sekret tenderin urgjent të 21 marsit për blerjen e pajisjeve mbrojtëse spitalore.

Ndërkohë, ish-deputeti i PD-së, Enkelejd Alibeaj tha se Partia Demokratike ka siguruar dokumentacionin nga Dogana Shqiptare, që sipas tij provon abuzimin me kontratat e shpallura sekrete nga qeveria. (Lexo ketu)

Më pas ishte sërish Boldnews, e cila raportonte se SPAK ka nisur hetimet në lidhje me tenderin në fjalë. Në shkrim thuhej se tashmë prokurorët kanë sekuestruar dosjet e tenderit dhe besohet që rritja e çmimit nuk është i vetmi element që do të hetohet në lontratën sekrete mes ministrisë dhe ?Farma Net Albania?.

Edhe nje emision investigativ paralajmëroi se do ta publikonte këtë skandal, por më pas ra heshtja.

Dhe çudia më e madhe nuk ështe tek mediat që e kanë denoncuar dhe më pas fillimi i hetimit nga SPAK, që ndoshta edhe e kanë pushuar, apo SPAK është përdorur si ?vegël? për të mbyllur zhurmën. Ajo që është më e çuditshmja është mbyllja e gojës menjëherë nga Enkelejd Alibeaj dhe Albana Vokshi.

Lulzim Basha urdhëroi heshtjen dhe heshtja ka ardhur përpara se të fillonin hetimet. Heshtja është blerë.

Një nga personazhet afër familjarëve të Lulzim Bashës, që merret me imazhin e tij dhe qëndron në korridoret e PD-së, mësohet se ka zhvilluar një takim me përfaqësues të këtij subjekti. Dhe mesa duket heshtja e Republikës së re është blerë ashtu siç u bl heshtja për Agron Papulin që më pas Luli mori vilat, ashtu siç u ble heshtja për Rugën e Kombit, ashtu siç u ble heshtja për skandalet e pafundme të qeverisë, mesa duket edhe në këtë rast Republika e re, heshtjen dhe rolin e saj si opozitë e ka çmuar me para./ CNA.al