web counter
LEXO PA REKLAMA!

SHKARKO APP

App Store
Google Play

Berisha "çjerr maskën" e Ramës/ Mashtrimi me masat dhe planin ekonomik: Po përqendron pushtetin

10 Maj 2020, 14:48, Politikë CNA

Ish-kryeministri Sali Berisha akuzon qeverinë se e priti pandeminë me duar në xhepa dhe pa marrë asnjë masë përgatitore për përballimin e saj.

Berisha kujton deklaratën e kryeministrit Edi Rama, i cili fillimisht tha se koronavirusi nuk është asgjë dhe e lidh atë me masat e marra pas shërthimit të epidemisë.

“Me 12 mars Edi Rama deklaroi se Covid-19 nuk është gjë, por problem kemi infodeminë dhe jo pandeminë. Por kur rastet filluan të shtohen, ai vendosi karantinën e plotë përsëri pa numrin e nevojshëm të testeve dhe pa maska. Mirëpo karantina e zgjatur kuptohet se është paralizë e zgjatur me pasoja të rënda për ekonominë”, u shpreh ish-kryedemokrati në një intervistë për gazetën “Dielli” në SHBA.

Sipas tij, qeveria nuk mori asnjë masë paraprake për të përballuar epideminë, nuk futi asnjë njeri në karantinë, qëndroi me një sasi fare të vogël testesh dhe nuk siguroi maskat.

Pyetjes se çfarë do bënte sikur të ishte në qeveri, Berisha iu përgjigj duke thënë se: “Do bëja gjithçka për të siguruar maskat, së paku për punonjësit e shëndetësisë, do aplikoja gjerësisht testimin për hetim epidimiologjik, do aplikoja karantinë më të studiuar dhe më të kufizuar dhe do ç?dëmtoja dhe kompesoja humbjen financiare të individëve, familjeve dhe sipërmarrjes nga paraliza e ekonomisë që krijoi karantina”.

“Ky është një plan kuturu i cili për mungesë të testimeve nuk bazohet në asnjë të dhënë konkrete të hetimit epidimiologjik. Nga ana tjetër ndihma shtetërore direkte për sipërmarrjen është sipas FMN më e ulta gjithësejt 1,3% e GDP kurse Rama mashtron se kjo ndihmë është 5,3% e GDP”, vijoi më tej ai, ndërsa ngriti akuza se Rama po e përdor pandeminë për përqendrim absolut të pushtetit.

“Është ai që vendos për çdo gjë sepse do që të shpallë suksesin mbi mashtrimin dhe dështimin. Por përveç këtyre ai dhe bashkëpunëtorët e tij po përdorin pandeminë si hajduti errësirën për të vjedhur dhe për tu pasuruar me tendera sekretë në çdo gjë”, nënvizoi Berisha./ CNA.al





Lajmet e fundit nga