web counter
LEXO PA REKLAMA!

SHKARKO APP

App Store
Google Play

Ministria e Shëndetësisë përgënjeshtron PD-në/ Nuk ka rënë zjarr, ishte incident i një punonjësje

10 Maj 2020, 10:50, Politikë CNA

Vetëm pak më parë, Partia Demokratike e përfaqësuar nga ish-deputeti Bardh Spahia, publikoi një email zyrtar të Ministrisë së Shëndetësisë me të cilin pretendonte se vërtetonte rënien e një zjarri në këtë institucion pak ditë më parë.

Ministria e ka mohuar sërish këtë lajm, teksa thotë se nuk ka rënë zjarr në institucion. Sipas ministrisë, para 26 ditësh i kanë tërhequr vëmendjen përgjegjëses për sigurinë pas një incidenti të kësaj të fundit.

Në deklaratë thuhet se ndaj punonjëses është marrë masë administrative për gabimin.

?Zbulimi? i bërë sot nga PD i referohet një emaili ?tërheqje vëmendje? të para 26 ditëve, nga përgjegjësja për sigurinë në ministri, e cila i është drejtuar stafit pas një incidenti të shkaktuar nga një punonjëse, ndaj të cilës më pas është marrë masë administrative.

Ministria e Shëndetësisë dhe Mbrojtjes Sociale hedh poshtë aludimet dhe shpifjet e PD, që kërkon të manipulojë opinionin me histori djegie letrash në korridore, kur e di i madh e i vogël se çdo dokument zyrtar ruhet në Protokollin e Ministrisë dhe të çdo institucioni. Duke bërë publik këtë email, i cili dërgohet rëndom nëpër institucione për t?u tërhequr vëmendjen punonjësve, PD ka demonstruar edhe një herë se protokollet e sigurisë dhe masat disiplinore në MSHMS, funksionojnë më së miri.

Sikundër e kemi deklaruar që në krye të herës, Ministria e Shëndetësisë është e hapur për çdo hetim nga organet e drejtësisë. Njëkohësisht, i bëjmë në mënyrë të përsëritur thirrje PD që të ndalë fushatën e shpifjeve dhe të presë me durim fjalën e drejtësisë!”, nënvizon Ministria e Shëndetësisë./ CNA.al

PD publikon emailin zyrtar/ “Provat vërtetojnë djegien dokumentave në Ministrinë e Shëndetësisë”





Lajmet e fundit nga