web counter
LEXO PA REKLAMA!

SHKARKO APP

App Store
Google Play

Ditmir Bushati me ditë të numëruara në PS?/ Spiropali: Hamzai përfundon i penduar

10 Maj 2020, 07:33, Politikë CNA

Ministrja e Shtetit për Marrëdhëniet me Parlamentin Elisa Spiropali ka folur për fjalimin e fortë të Ditmir Bushatit në Parlament dhe për kundërshtimet dhe kritikat jo të rralla ndaj qeverisë.

Teksa ishte e ftuar në Klanifornia, Spiropali u vu para pyetjes së aktorit Albano Bogdo që imitonte Blendi Fevziun.

“Ditët e fundit kemi dëgjuar një fjalim bombastik nga Hamzai. Po e marr në kuptimin që Edi Rama është Skënderbeu, Hamzai qe tradhtari. Hamzai i Partisë Socialiste, a mund të themi që është ky fillimi i fundit të tij politik në PS apo do të gjendet edhe për këtë një pozicion nga ku të kthehet i padëmshëm? E kam fjalën për Ditmir Bushatin, ose siç mund ta quajmë ndryshe tani që bëri këtë që bëri, ?Ditënumëruari Bushati?, pyeti aktori, ndërsa ministrja deklaroi se Hamzai në fund pendohet.

Më tej ajo theksoi se PS nuk ka marrë asnjë veprim “hakmarrës” ndaj tij dhe se do vazhdojë të mbajë postin që ka.

Dialogu:

Elisa Spiropali: Nuk ka titullin Hamza, Ditmiri. Hamzai është një personash shumë i komplikuar i historisë, sepse po të keni lexuar librin e Kadaresë, ?Mosmarrëveshja??

Bogdo: Po e kam lexuar. Dhe Ditmiri i komplikuar është, edhe me syze bën si gangster. Këta me syzë supozohet të jenë më të urtët.

Elisa Spiropali: Hamzai përfundon i penduar, në pendesë të thellë në fakt?

Bogdo: Domethënë ja keni shtrënguar, do pendohet? Do vijë me kokën poshtë do thotë më fal?

Elisa Spiropali: Jo, as e kemi shtrënguar as e kemi liruar. Është aty ku ka qenë dhe besoj do jetë gjithmonë./ CNA.al





Lajmet e fundit nga