web counter
LEXO PA REKLAMA!

SHKARKO APP

App Store
Google Play

Murrizi thumbon ndërkombëtarët/ "Nuk e miratoj draftin e Reformës Zgjedhore po s'u ndryshua sistemi"  

9 Maj 2020, 15:33, Politikë CNA

Nënkryetari i Kuvendit dhe deputeti Myslim Murrizi, deklaron se opozita parlamentare nuk do ta miratojë draftin e Reformës Zgjedhore, nëse nuk do të merret parasysh kërkesa për ndryshimin e sistemit zgjedhor.

Murrizi tha se deputetët e opozitës që nuk urdhërohen nga kryeministri Edi Rama do ta refuzojnë draftin e reformës.

?Ky Këshilli Politik, konsiderojeni si të doni ju është kot, nuk figuron askund si organ. As Rregullorja e Kuvendit as kushtetuta as një ligj organik nuk e sanksionon. Se çfarë do të zhgarravisin këta atje, ai draft do të vijë më së pari në komisionin e Reformës Zgjedhore pastaj do të kalojë në seancë. Unë por edhe një pjesë dërrmuese e deputetëve të opozitës, por edhe ata që kanë njëfarë dinjiteti nga maxhoranca, nuk mund të urdhërohen nga tre njerëz pa firmë dhe vulë në dorë në bunkerin e pallatit të kongreseve se ky është turp?, u shpreh ai në një lidhje me Abc News, ndërsa theksoi se edhe sikur drafti të marrë dritën jeshile nga ndërkombëtarët përsëri nuk do ndryshojë qëndrim.

?Nuk votoj asnjë buzëkuq të rekomandimeve të Borchardit që varet nga Rama deri në 31 dhjetor të 2020. Nuk desha ta di fare. Hiç. Këta vijnë për të bërë karrierë për veten e vetë. Ngrohin kolltuqet, xhepat dhe ikin dalin në pension si Knuti, Tania Fajon e jastëkut dhe kështu me radhë?, deklaroi deputeti./ CNA.al





Lajmet e fundit nga