Veliaj nuk heq dorë nga Teatri/ Mesazhi për Metën: Ose me Budinën ose me Bashën

9 Maj 2020, 13:30, Politikë CNA

Kryetari i Bashkisë së Tiranës, Erion Veliaj duket i vendosur për të mos hequr dorë nga projekti për shembjen e Teatrit Kombëtar.

Gjatë një prononcimi për mediat nga Bovilla, Veliaj i është përgjigjur edhe presidentit Meta, i cili kërkoi sot të mos preket Teatri.

Veliaj iu drejtua presidentit, duke thënë se Meta nuk ka përse bëhet brigadier komunaleje, por duhet të zgjedhë ose mes Robert Ndrenikës ose mes Lulzim Bashës.

“Tirana do të ketë Teatër të ri. Nuk mund të jenë më të zgjuar sportistët, turistët që shohin Kalanë dhe të jenë artistët që duhet të rrinë në një kolibe tallashi. Për projektin do të flasim në vjeshtë. Le të rrinë te kasollja prej kashte,m te kolibja e fashizmit, por kostumet nuk kanë pse i mbajnë peng aty. Nuk ka arsye përse miu të ushqehet me zërin e artistëve. Minimalisht edhe nëse presidenti është realisht i interesuar mos ti lërë të gjitha sendet me vlerë ti halë miu dhe mola. Teatri është institucion, kështu që arkiva, sendet me vlerë, duhet të shkojnë atje ku vlejnë.

Bobinat, filmimet, skenografitë të largohen. Kur të vijë koha le të flasim për projektin. Mbreti është lakuriq, por thirrja ime është që siç kemi ujësjellës të ri, stadium të ri, pazar të ri, duhet të kemi edhe Teatër të ri.?-tha Veliaj,

Më tej ai theksoi se presidenti ka mbetur pa alibi.

?E bëmë ligjin si e donte komisioni europian. I them presidentit rri me kushtetutën, nuk ke asnjë arsye të meresh edhe me Astirin, por mos të përfundo si atje, bëni si them unë. Mungesa e Gjykatës Kushtetuese është aq pa lidhje me Teatrin sa ç’ka Partia Demokratike me demokracinë. Presidenti të mos bëhet brigadier komuneleje. O të bëhet me Robert Ndrenikën që ka lozur në atë skenë, ose me Luzmi Bashën që ka lozur në një tjetër skenë,”-tha ndër të tjera Erion Veliaj.