“Ky është krim”/ “Shpërthen” ish-ministri i Ramës: Po na sundojnë “dashnorët” e ndërkombëtarëve

9 Maj 2020, 06:51, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me vendimin e qeverisë për ta kaluar në pronësi të Bashkisë së Tiranës, truallin e Teatrit Kombëtar.

Në një postim në rrjetet sociale, Manjani shkruan se nëse Teatri shembet është krim kundër një trashëgimie kulturore, e mbrojtur edhe nga ndërkombëtarët.

Sipas Manjanit, pushtetarët në Shqipëri i përdorin ndërkombëtarët kur u duhen dhe i hedhin në kosh kur u prishin punë.

?Shkatërrimi eventual i Teatrit Kombëtar është krim kundër kulturës dhe tragëgimisë së saj. Jo vetëm ligji “Danez” e zë këtë krim, por çdo ligj që njerëzimi ka nxjerrë për të mbrojtur trashëgiminë e tij nga sundues si këto që na kanë rënë për hise.

Shembet apo jo ajo godinë e mbrojtur ndërkombëtarisht, mbetet për t’u parë. Por një gjë shihet kristal qartë.

Këta që sundojnë, medemek “dashnorët” e ndërkombëtarëve dhe, që nuk bëjnë dot as një pordhë pa i pyetur të huajt, nuk e qethin e as e rruajnë fare për ta!

I përdorin kur u duhen dhe i hedhin në kosh kur u prishin punë. Kjo është e vërteta e marrëdhënieve të sundimtarëve me ndërkombëtarët.

Kur shoh se si ambasadorët e huaj fryhen e marrin kot kur pushteti e politika i vë në krye të vendit, më vjen të qesh. Asgjë nuk kanë në dorë dhe asgjë nga parimet që përfaqësojnë realizohen.?-shkruan Manjani.

Më tej, ai thekson se në fakt ky realitet shpreh krizën më të thellë që Shqipëria ka patur në marrëdhënien e saj me botën politike e diplomatike ndërkombëtare.

Sipas Manjanit, Qeveria (mjeshtrisht) i injoron duke bërë sikur i do shumë. Përfaqësuesit e tyre këtu (ambasasorët pra) i përdorin si zëdhënës të ligësive që bëjnë vetë.

?Të huajt ndërkombëtarë, fjala vjen edhe shefat e zotit Sorecca, kanë mbështetur mbrotjen dhe jo shembjen e Teatrit Kombëtar. Por zoti Sorecca, i ulur në krye të vendit këtu, as për sy e faqe nuk e thotë kët gjë.

E njëjta gjë ndodh edhe me çështje të tjera. Ambasada Amerikane, psh, na ka krijuar idenë fallso se vetë zoti Trump ka dhënë porosi që Dvorani të mos e dorëzojë detyrën pa mandat.

Imagjinoni, Trump ka lënë çdo punë atje e po sodit reformën në drejtësi këtu. Madje po merr këshilla nga ne se si të luftojë popullin e vet në kohë pandemie… Se edhe ai Anglezi nuk dëgjoi në fillim, por kur i thamë ne “ëhat the fuck…” e mbylli Anglinë…

Qesharake në ekstrem! Por dëmi që i bëhet vendit me këtë keqoërdorim ndërkombëtar është i madh.

Jo vetëm me Teatrin por me protestat e opozitës, zgjedhjet e vjedhura, krijimi i gjykatës kushtetuese, votimet moniste,lirinë e shprehjes, koncensionet etj, etj, etj, etj… Në të gjitha rastet kemi dëgjuar vetëm reagime fantastiko-shkencore ambasadorësh…

Fakt është që Shqipëria rrëshqiti në sundim monist dhe reagimet e fantazisë diplomatike nuk e ndalën dot.

Normale është që askush në kancelarit perëndimore se ka mendjen tek pisllëqet tona lokale.

Ndaj në këtë pikë jam dakort me idenë dhe sjelljen e sunduesve tanë se problemet tona do marrin zgjidhje vetëm nga ne këtu.

Askush nga jashtë nuk do na e zgjidhë marrëdhënien e keqe dhe shumë të keqe që qeveria jonë ka me vendin e popullin e vet.

Pa asnjë dyshim që kështu është. Jo vetëm për Teatrin, që ka marrë përsipër ta shembë një zyrtar i pa zgjedhur.

Nuk e ka votuar as Tirana, por merr përsipër ti bëjë dëm trashëgimisë kulturore kombëtare.?-përfundon postimin e tij Ylli Manjani./ CNA.al