web counter
LEXO PA REKLAMA!

SHKARKO APP

App Store
Google Play

E fundit!

x

"Qeveria ka dështuar"/ Vokshi: E shfrytëzoi pandeminë për të vjedhur

11 Maj 2020, 17:48, Politikë CNA

Ish-deputetja e PD-së, Albana Vokshi, foli për ndikimin e kooronavirusit në ekonominë shqiptare.

Vokshi pretendon se masat e qeverisë shqiptare, si nga aspekti shëndetësor ashtu edhe social apo ekonomik, kanë qenë jo të duhurat, të pamjafshtueshme dhe të vonuara.

Demokratja thotë se qeveria ka dështuar në përballimin e situatës, ndërsa e akuzon se e shfrytëzoi situatën për të vjedhur më shumë.

“Ne mund të krahasojmë masat që kanë ndërmarrë qeveritë fqinje dhe ato të rajonit. Është vënë re që masat e qeverisë shqiptare, nga aspekti shëndetësor, social dhe ekonomik, kanë qenë jo të duhurat, të pamjafshtueshme dhe të vonuara. Në Shqipëri këtë periudhë rezultuan 61 000 persona të papunë nga kjo situatë, në Maqedoninë e Veriut ishin 6000, në Serbi 7000, ndërsa Kosova ka 6000 të punësuar më shumë. Qeveria shqiptare mund të jetë më e dështuar në përballimin e kësaj pandemie. Qeveria e shfrytëzoi këtë pandemi për të organizuar tendera sekretë dhe korruptive për të vjedhur. Ne kemi denoncuar 17 tendera publikisht”, deklaroi ish-deputetja në Rtv Ora./ CNA.al





Lajmet e fundit nga