Spahia zbulon studimin e Bashkisë së Shkodrës/ "Numri i viktimave është rritur me 40%"

11 Maj 2020, 21:06, Politikë CNA

Ish-deputeti i Partisë Demokratik Bardh Spahia deklaron se shifrat e publikuara nga Ministria e Shëndetësisë nuk pasqyrojnë realitetin.

Spahia ngre kuzat se sistemi shëndetësor parësor doli jashtë funksionit dhe i la qytetarët në dorë të fatit.

“Ministrja u përpoq të trajtonte si sukses komunikimin e mjekut të familjes me telefon apo online me pacientin. Gjë që nuk mundet. Mjeku ka nevojë për ta parë, për ta pyetur. Absolutisht e them i zhveshur nga veshja politike, asgjë nuk u bë mirë. Ose nuk janë ndërmarrë fare, ose nuk mori asgjë. I vetmi veprim është që u bë mbyllja e qytetarëve apo distancimi social, që nuk është shpikja e Edi Ramës. Nuk ka strukturë shëndetësore efiçiente, përgatitje dhe prandaj përfundojmë në izolim dhe ja lëmë barrën qytetarëve”, u shpreh ai në emisionin “Real Story”.

Demokrati pretendon se qeveria ka manipulkuar shifrat dhe sipas tij të paktën 5 viktima nga Covid-19 në shjodër nuk janë kalkuluar.

“Ne duhet të marrim masa, nuk dimë numrin real të viktimave sot. E patolerueshme që gënjehet edhe tek numri i viktimave dhe është e qëllimshme. Të paktën 5 në Shkodër kanë vdekur nga Covid-19 nuk janë kalkuluar. Virusi Covid ndikon tek patologjitë e trurit, zemrës, veshkave, renale. Bllokim direkt”, tha Spahia, ndërsa foli edhe për një studim të kësaj bashkie.

?Është një studim i Bashkisë Shkodër, e cila thotë se ka një rritje me 40% e numrit të të vdekurve? Ky studim do edhe një miratim, vullnet për ta realizuar. Ky fakt i bashkisë kërkon hulumtim të thellë, pasi mund të tregojë edhe situatën reale, pram und të jenë vdekje të shtuara si pasojë e Covid 19. Problemi më i madh në këtë situatë është mungesa e testimeve?, nënvizoi më tej ish-deputeti./ CNA.al