E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Kryemadhi: Nuk ndërhyj në vendimet e Metës, debatojmë për...

11 Maj 2020, 20:15, Politikë CNA

“Në vendimet politike të Ilir Metës, jo vetëm që nuk kam ndërhyrë por as nuk kam për të ndërhyrë asnjëherë”.

Kështu deklaroi pak më parë kryetarja e LSI-së Monika Kryemadhi teksa po fliste për vendimet e bashkëshortit të saj, presidentit Ilir Meta.

“Ju mund t?ju duket e çuditshme, mund t?ju duket absurd por unë në vendimet politike të Ilir Metës, jo vetëm që nuk kam ndërhyrë por as nuk kam për të ndërhyrë asnjëherë sepse që të dy mbajmë qëndrime të ndryshme përsa i përket çështjeve të ndryshme”, u shpreh ajo në emisionin “Çim Peka Live”.

Kryemadhi deklaroi se pavarësisht se mund të duket e pavërtetë, ajo dhe Meta vazhdojnë të kenë qëndrime të kundërta siç është ajo e djegies së mandateve.

“Është e pabesueshme por kjo është e vërtetë. Pavarësisht se çfarë mendon ti, Ilir Meta ishte kundër djegies së mandateve, unë vazhdoj dhe i qëndroj djegies së mandateve, pavarësisht backgroundit dhe problematikave që ka sjellë djegia e mandateve. Unë vazhdoj t?i qëndroj bojkotit të zgjedhjeve lokale, Ilir Meta është kundër bojkotimit të zgjedhjeve lokale. Mos mendoni që 18 deputetët që ka zgjedhur, sepse kanë qenë deputetë të zgjedhur nga Petrit Vasili në bashkëpunim me Ilir Metën, sepse Ilir Meta u zgjodh President në 28 prill të 2017-ës, 2-3 javë përpara zgjedhjeve parlamentare pavarësisht se u shtynë.

Pra, kanë qenë zgjedhja dhe preferencë e Ilir Metës në listat e deputetëve. Të jeni të bindur që asnjëri nga ata nuk do të merrte një vendim po themi që ishte në kundërshtim me Ilir Metën përsa i përket marrëdhënies së tyre njerëzore, shoqërore por edhe normale politike. E them këtë sepse djegia e mandateve nuk kishte të bënte me pozicionimin politik për t?u përballur sot me këtë situatë absurde që jemi. Por kjo situatë nuk ka të bëjë më absurdin politik në të cilin jemi”, tha ajo.

Kryetarja e LSI-së pretendon se presidenti nuk ka ndërhyrë në vendimet e saj politike, ndonëse theksoi se kanë debate.

“Duhet të kuptoni një gjë, në vendimet e mia politike nuk ndërhyn kurrë Ilir Meta. Ne mund të kemi debate, mund të flasim, nuk ndajmë të njëjtat qëndrime për shumë gjëra, nuk ndajmë të njëjtat qëndrime përsa i përket komunikimit dhe ngritjes së problematikave e shumë e shumë gjëra të tjera, është zgjedhja e tij. Përsa i përket në raport me LSI-në, çdo vendim i Monika Kryemadhit nuk ka qenë individual, ka qenë vendim politik në vendim me grupin e deputetëve të LSI-së”, theksoi Kryemadhi./ CNA.al